Ба муносибати ҷашни 30- солагии Истиқлолияти давлатии Ҷумҳурии Тоҷикистон дар шаҳри Ваҳдат бо ташаббуси сокинону соҳибкорон ва мақомоти иҷроияи ҳокимияти давлатии шаҳр 607 адад иншооти мухталиф сохта, мавриди баҳрабардорӣ қарор дода шуданд. Ин матлабро 16 феврал зимни нишасти матбуотӣ иҷрокунандаи раиси шаҳри Ваҳдат Мирзо Исмоилзода иброз намуд.

Зикр гардид, ки аз онҳо 29 адад корхонаю коргоҳи саноатӣ, 39 иншооти соҳаи тандурустӣ, 56 иншооти соҳаи маориф, 39 иншооти варзишӣ, 11 иншооти маишию фарҳангӣ, 74 иншооти хизматрасонӣ, 100 иншооти савдо ва хӯроки умумӣ ва дигар иншооти мухталиф мебошанд.