Бо қарори Бонки миллии Тоҷикистон ба Ҷамъияти дорои масъулияти маҳдуди Ташкилоти амонатии қарзии хурди «Фурӯз» барои анҷом додани амалиёти бонкӣ бо пули миллӣ ва асъори хориҷӣ иҷозатнома дода шуд.

Аз Бонки миллии Тоҷикистон ба АМИТ «Ховар» иттилоъ доданд, ки ин тасмим дар асоси қонунҳои Ҷумҳурии Тоҷикистон «Дар бораи Бонки миллии Тоҷикистон» ва «Дар бораи ташкилотҳои маблағгузории хурд» андешида шудааст.

Департаменти назорати бонкӣ ва Идораи низоми пардохт уҳдадор гардиданд, ки дар Феҳристи ташкилоти маблағгузории хурд ва Маълумотномаи «Рамзҳои мушаххаси бонкии ташкилотҳои қарзии молиявии Ҷумҳурии Тоҷикистон» сабти дахлдор ворид намоянд.