Раёсати Бонки миллии Тоҷикистон ба Ҷамъияти саҳомии пӯшидаи «Си Эйч Эл интернешнл» барои хизматрасонии махсус бо асъори хориҷӣ ба муҳлати 3 сол иҷозатнома дод. Дар ин бора ба АМИТ «Ховар» аз Бонки миллии Тоҷикистон хабар доданд.

— Ин тадбир дар асоси Қонунҳои Ҷумҳурии Тоҷикистон «Дар бораи Бонки миллии Тоҷикистон» ва Қонуни Ҷумҳурии Тоҷикистон «Дар бораи танзими асъор ва назорати асъор», андешида шудааст, — афзуд манбаъ.

Департаменти идораи захираҳои байналмилалӣ ва сиёсати қурби асъор вазифадор карда шуд, ки дар Феҳристи дорандагони иҷозатнома барои анҷомдиҳии хизматрасонии (фаъолияти) махсус бо асъори хориҷӣ сабти дахлдорро ворид намояд.