19 октябр дар ҳошияи иштирок дар Конфронси Вена оид ба муҳоҷират дар мавзӯи «Бознигарии сиёсати муҳоҷират: чолишҳо, имконот ва стратегияҳо» муовини Вазири корҳои хориҷии Ҷумҳурии Тоҷикистон Шараф Шерализода бо Мудири кулли Дафтари СММ оид ба рушди саноат (UNIDO) Ли Йонг мулоқот намуд. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.

Ҷонибҳо раванди татбиқи лоиҳаҳои муштараки созмони мазкурро дар қаламрави кишвар баррасӣ карда, аз сатҳи ҳамкорӣ миёни Ҷумҳурии Тоҷикистон ва UNIDO изҳори қаноатмандӣ намуданд.