Аз 23 октябр то 12 ноябри соли равон дар дар шаҳрҳои Курган, Тюмен ва Ярослави Федератсияи Русия Фестивали байналмилалии театрии «Фестивали театрҳои русӣ» (Фестиваль русских театров) баргузор мегардад. Дар фестивали мазкур ҳунармандони Театри давлатии драмавии русии ба номи Вл. Маяковскийи Ҷумҳурии Тоҷикистон ҳунарнамоӣ мекунанд, иттилоъ дод ба хабарнигори АМИТ «Ховар» директори театри мазкур Мунира Дадаева.

Ҳунармандони Театри давлатии драмавии русӣ 27 октябр дар Фестивал спектаклҳои «Тартюф»-и Ж.Б.Молер ва «Шабе дар театр»-и А.П. Чехов-ро намоиш медиҳанд.

Театри давлатии драмавии русӣ дар фестивали мазкур ҳамасола дар доираи барномаи «Большие гастроли. Зарубежная программа» ширкат меварзад.

Дар назар аст, ки дар ин рӯзҳо суҳбати «мизи мудаввар» низ баргузор гардад.

АКС аз Вазорати фарҳанги ҶТ