5 июл бо ташаббуси мақомоти иҷроияи ҳокимияти давлатии шаҳри Турсунзода, дастгирии соҳибкорон, шахсони саховатпеша ва аҳолӣ тақриби 1 км роҳи мошингарди байни деҳаҳои Работ- Ҳуснобод — Гулхаси Ҷамоати деҳоти Работи шаҳри Турсунзода мумфарш карда шуд.

Тибқи маълумоти раиси Ҷамоти деҳоти Работ Қурбоналӣ Муродов, бахшида ба ҷашни 30-солагии Истиқлоли давлатии Ҷумҳурии Тоҷикистон дар деҳоти мазкур сохтмони 24 иншоот ба нақша гирифта шуда, то имрӯз 22-тои он мавриди баҳрабардорӣ қарор гирифтааст.

Соли равон дар шаҳри Турсунзода мумфаршкунии 30 км роҳҳои байнидеҳавӣ ба нақша гирифта шуда, корҳо дар ин самт вусъат меёбанд.