21 июн 2021, душанбе

Тоҷикӣ   Русский   English

Бародарон Абдураҳимзодаҳо қариб 2 километр роҳи деҳаи Элоки Файзободро мумфарш карданд

213
Ба истиқболи ҷашни 30-солагии Истиқлоли давлатии Ҷумҳурии Тоҷикистон аз ҷониби сархатиби ноҳияи Файзобод Муҳаммадносир Абдураҳимзода ҳамроҳ бо бародарону падараш ба маблағи 670 ҳазор сомонӣ қариб 2 километр роҳи деҳаи Элоки Ҷамоати деҳоти Қалъаи дашти ноҳия мумфарш карда шуд. Инчунин бо маблағи 150 ҳазор сомонӣ кӯчаҳои ҷамоат чароғон карда шуданд, ки айни замон мушкилоти сокинони ин деҳа бартараф шуда, мардум аз он истифода менамоянд.

Муҳаммадносир Абдураҳимзода ба хабарнигори минтақавии АМИТ «Ховар» Субҳониддини Маҳмуд иброз дошт, ки «мо соли гузашта ба ифтихори ҷашни 30-солагии Истиқлоли давлатии Ҷумҳурии Тоҷикистон ва зери сиёсати хирадмандонаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар деҳаи Сари чашмаи ноҳияи Файзобод ба модари чоргоникҳо Шаҳодат Нуралиева хонаи истиқоматии иборат аз панҷ ҳуҷра бо тамоми лавозимоти зарурӣ ҳадя намудем. Ҳамчунин барои бунёди ошхонаи лагери «Дурахшон» қариб 30 метри кубӣ тахта кумак намудем. Ҳамзамон дар якҷоягӣ бо имомхатибони дигар дар маркази ноҳия хонаи маъюбон сохта, ба истифода додем, ки айни замон ин қишри осебпазир аз он истифода мебаранд».

Бояд гуфт, ки деҳаи Элок калонтарин деҳаи ноҳияи Файзобод ба ҳисоб рафта, аз ду қисмат иборат мебошад. Барои пайваст намудани Элоки калон бо Элоки поён Муҳаммадносир Абдураҳимзода бо дарозии 12 метр ва паҳноии 4 метр пуле ба истифода дод, ки имрӯзҳо хонандагони муассисаи таълимию сокинони деҳа аз он самаранок истифода мебаранд.

Бародарони саховатманд ният доранд, ки осорхонаи шоири ширинкалом Усмон Шарифзода ва як муассисаи томактабиро дар деҳаи Элоки ноҳияи Файзобод сохта, мавриди баҳрабардорӣ қарор диҳанд.






Назарсанҷи

Оё тартиби кори комиссияи Хадамоти иҷозатномадиҳӣ ба шумо писанд аст?

 

Суроға:

734025, ш. Душанбе, кўчаи проф. Ш. Ҳусейнзода 36,

Тел: +992 (37) 221-88-53
+992 (37) 221-88-33

Факс: +992 (37) 223-02-00,

Е-mail: info@tajsohtmon.tj

Обу ҳаво