Дар шаҳри Турсунзода бинои нави Коллеҷи тиббии шаҳр ба истифода дода шуд, иттилоъ доданд ба АМИТ «Ховар» дар маркази матбуоти Вазорати тандурустии мамлакат.

Сохтмони бинои нави коллеҷи мазкур моҳи апрели соли равон оғоз ёфта буд. Бинои нави коллеҷ аз 4 ошёна иборат буда, дар он 17 синфхона, 1 китобхона, утоқи Маркази миллии тестӣ, толори машваратӣ ва синфхонаи лингофонӣ мавҷуд мебошанд.

Дар Коллеҷи тиббии шаҳри Турсунзода 10 кафедра ва 3 факулта амал мекунанд, ки дар онҳо донишҷӯён аз рӯи 9 ихтисос таълим мегиранд.

АКС: Вазорати тандурустӣ ва ҳифзи иҷтимоии аҳолии ҶТ