22 апрел 2024, душанбе

Тоҷикӣ   Русский   English Специальная версия

«РОҲБАРИ МАРДУМӢ». Таҳти чунин унвон дар Душанбе ҳамоиш доир шуд

140
«РОҲБАРИ МАРДУМӢ». Таҳти чунин унвон дар Душанбе ҳамоиш доир шуд16 ноябри соли 1992 дар Қасри Арбоби шаҳри Хуҷанди бостонӣ баргузор гардидани Иҷлосияи XVI Шӯрои Олӣ, даъвати дувоздаҳум беҳтарин ва муҳимтарин амал баҳри рушди Истиқлолияти мамлакат мебошад. Ин иҷлосия ва асноди ҳуқуқии он дар ҳифзи давлатдории миллӣ ва инкишофи ниҳодҳои демократӣ дар Тоҷикистон нақши муайянкунанда бозид. Аввалин масъалаҳои ҳаётан муҳиме, ки дар ин иҷлосия муҳокима карда шуданд, тадбирҳо оид ба эътидол овардани вазъи ҷамъиятию сиёсӣ дар Ҷумҳурии Тоҷикистон буданд.

Ин матлаб 28 октябр зимни баргузории ҳамоиши илмӣ-амалии академиявӣ таҳти унвони «Роҳбари мардумӣ» ба муносибати 30-солагии Иҷлосияи XVI Шӯрои Олии Ҷумҳурии Тоҷикистон дар Академияи идоракунии давлатӣ баён шуд.

Ректори Академияи идоракунии давлатии назди Президенти Ҷумҳурии Тоҷикистон Абдухалил Ғафурзода иброз намуд, ки Иҷлосияи XVI Шӯрои Олии Ҷумҳурии Тоҷикистон дар таърихи миллати тоҷик саҳифаи нав боз намуд. Ҳанӯз дар лаҳзаҳои ҳассоси Иҷлосияи XVI Шӯрои Олӣ Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо қатъият изҳор намуда буданд, ки «ман қасам ёд мекунам, ки тамоми донишу таҷрибаамро барои дар ҳар хона ва ҳар оила барқарор шудани сулҳ равона карда, барои шукуфоии Ватани азизам садоқатмандона меҳнат мекунам».

Дар ҷараёни ҳамоиш иштирокчиён доир ба Иҷлосияи ХVI Шӯрои Олии мамлакат маърӯза намуданд.

АКС: Академияи идоракунии давлатӣ




Назарсанҷи

Ба фаъолияти Хадамоти назорати сохтмон чӣ гуна баҳо мегузоред?

 

Суроға:

734025, ш. Душанбе, кўчаи проф. Ш. Ҳусейнзода 36,

Тел: +992 (37) 221-88-53
+992 (37) 221-88-33

Факс: +992 (37) 223-02-00,

Е-mail: info@tajsohtmon.tj

Обу ҳаво