22 апрел дар қароргоҳи СММ дар Ню-Йорк Прокурори генералии Ҷумҳурии Тоҷикистон Юсуф Раҳмон бо Роҳбари Намояндагии Иттиҳоди Аврупо дар Созмони Милали Муттаҳид Олаф Скуг мулоқот намуд. Дар ин бора АМИТ «Ховар» бо истинод ба Намояндагии доимии Тоҷикистон дар СММ хабар медиҳад.

Зимни мулоқот тамоюл ва ҷанбаҳои ҳамкории Тоҷикистон ва Иттиҳоди Аврупо, инчунин татбиқи Стратегияи муқовимат ба терроризм ва экстремизм дар Ҷумҳурии Тоҷикистон барои солҳои 2021-2025 баррасӣ гардид.

Инчунин ҷонибҳо ҳавасмандии худро ҷиҳати идомаи ҳамкорӣ дар чаҳорчӯби барномаи СММ ва Иттиҳоди Аврупо таҳти унвони «Таҳкими тобоварӣ ба ифротгароии хушунатомез дар Осиё» иброз намуданд.