Имрӯз дар ҳошияи «Ҳафтаи сатҳи баланд»-и иҷлоси 77-уми Маҷмаи Умумии Созмони Милали Муттаҳид дар шаҳри Ню-Йорк Вазири корҳои хориҷии Ҷумҳурии Тоҷикистон Сироҷиддин Муҳриддин дар ҷаласаи вазирони корҳои хориҷии Гурӯҳи дӯстон оид ба ташаббуси ҷаҳонии рушд ширкат ва суханронӣ намуд. Дар ин бора ба АМИТ «Ховар» дар Вазорати корҳои хориҷии Тоҷикистон хабар доданд.

Вазири корҳои хориҷии Тоҷикистон зимни суханронӣ аз чолишу мушкилиҳои мавҷудаи ҷаҳонӣ, аз ҷумла тағйирёбии иқлим, буҳрони ғизо, пайомадҳои ҳамагирии СОVID-19 ва таъсири он ба иқтисоди давлатҳо, махсусан ба кишварҳои маҳсур дар хушкӣ ибрози назар кард.