Главная > Навидҳо > 280 гӯшаи тарғиботӣ дар Ваҳдат
280 гӯшаи тарғиботӣ дар Ваҳдат6-05-2016, 17:27. |
|
Масъулини Раёсати хоҷагии манзилию коммуналӣ ва сохтмони шаҳри Ваҳдат бо мақсади дар сатҳи баланд доир намудани раъйпурсии умумихалқӣ оид ба ворид намудани тағйиру иловаҳо ба Конститутсияи (Сарқонуни) Ҷумҳурии Тоҷикистон дар якҷоягӣ бо сардорони минтақавӣ, раисони маҳаллаҳо, фаъолон ва собиқадорони рӯзгордида байни аҳолии шаҳр корҳои фаҳмондадиҳӣ ва вохӯриҳои судманд баргузор мекунанд. Ба иттилои Илҳом Расулов, роҳбари Раёсати хоҷагии манзилию коммуналӣ ва сохтмон дар якҷоягӣ бо гурӯҳҳои таблиғотӣ 32 маротиба вохӯрӣ доир намуда, барои ҷалб намудани сокинон дар маркази шаҳр зиёда аз 280 гӯшаи тарғиботӣ доир ба раъйпурсӣ ташкил шудааст. Гуфта мешавад, ки участкаҳои раъйпурсии маркази шаҳри Ваҳдат барои баргузории маъракаи сиёсӣ пурра омода буда, корҳои фаҳмондадиҳӣ идома доранд. Вернуться назад |