Варзишгари тоҷик, ноиби президенти Федератсияи пауэрлифтинг, бодибилдинг ва фитнеси Тоҷикистон Бахтиёр Раҳимов дар Чемпионати ҷаҳон оид ба пауэрлифтинг ду медал — 1 тилло ва 1 нуқра ба даст овард. Дар ин бора АМИТ «Ховар» бо истинод ба Кумитаи миллии олимпии Тоҷикистон хабар медиҳад.

Чемпионати ҷаҳон оид ба пауэрлифтинг (WPC) 2-5 ноябр дар шаҳри Орландо, иёлати Флоридаи Штатҳои Муттаҳидаи Амрико баргузор шуд.

Бахтиёр дар сабқати пауэрлифтинг сазовори медали тилло ва дар сабқати рост истода бардоштани вазн медали нуқра гирифт. Ӯ ягона намояндаи Тоҷикистон дар ин чемпионат буд.