18 ноябр 2018, якшанбе

Тоҷикӣ   Русский   English

Корхонаи воҳиди давлатии «Лоиҳакаш»

2713
Корхонаи воҳиди давлатии «Лоиҳакаш»
Корхонаи воҳиди давлатии «Лоиҳакаш»

ШАРИФЗОДА ДИЛШОД ШАРИФӢ
ДИРЕКТОРИ КВД "ЛОИҲАКАШ"


МАЪЛУМОТНОМА


Корхонаи воҳиди давлатии “Лоиҳакаш” бо Қарори Ҳукумати Ҷумҳурии Тоҷикистон аз 30 октябри соли 2010 №579 дар назди Кумитаи меъморӣ ва сохтмони назди Ҳукумати Ҷумҳурии Тоҷикистон таъсис дода шуда то ин ҷониб фаъолият намуда истодааст.
Тибқи Қонуни Ҷумҳурии Тоҷикистон “Дар бораи корхонаҳои давлатӣ” дар 62 шаҳру ноҳияҳои ҷумҳурӣ корхонаҳои фаръӣ таъсис додааст. Зиёда аз 445 мутахассисони соҳа ба фаъолият сафарбар карда шудаанд.
Самти асосии фаъолияти Корхона аз расонидани хизматрасонӣ дар соҳаи меъморӣ ва лоиҳакашӣ ва дар ин васила тибқи талаботи Кодекси шаҳрсозии Ҷумҳурии Тоҷикистон ва дигар санадҳои меъёрии ҳуқуқӣ қонеъ гардонидани талаботи субъектҳои муносибатҳо дар соҳаи меъморӣ, шаҳрсозӣ ва сохтмонӣ мебошад.
Корхонаи воҳиди давлатии «Лоиҳакаш»


Баҳри амалисозии мақсад, самт ва вазифаҳои Оинномавӣ, Корхона фаъолияти зеринро амалӣ месозад:
- омода намудани таклифу пешниҳодҳо бобати тасҳеҳи Нақшаи генералии воҳидҳои марзиву маъмурӣ, иштирок дар таҳияи Нақшаи ташкили муҷтамаъ ва ҳудудии воҳидҳои марзиву маъмурӣ, Нақшаи генералии воҳидҳои марзиву маъмурӣ ва лоиҳаҳои шаҳрсозии банақшагирии муфассал, лоиҳаи банақшагирии минтақавӣ, нақшаҳои ҷойгиршавии коммуникатсияҳои муҳандисӣ, пайвастшавии роҳҳо ва ғайра;
- таҳияи бахшҳои шаҳрсозии барномаҳои мақсадноки ҳудудӣ, тарҳу нақшаҳои рушди инфрасохторҳои муҳандисӣ, нақлиётӣ ва иҷтимоӣ, ки аз ҳисоби маблағҳои буҷети давлатӣ маблағгузорӣ мешаванд, инчунин ҳуҷҷатгузории лоиҳавӣ ва шаҳрсозии мавзеъҳои аз дигар манбаъҳо маблағгузоришаванда;
- омодасозӣ ва ба мақомоти меъмориву шаҳрсозӣ пешниҳод намудани таклифҳои лоиҳавӣ бобати ҷойгиркунонии иншоот, коммуникатсияҳои муҳандисиву нақшаи нақлиётӣ;
- омодасозӣ ва пешниҳоди маълумотҳои аввала барои лоиҳакашии ҳамаи намудҳои иншоот;
- бо дархости мақомоти марбутаи меъмориву шаҳрсозӣ ва дар асоси шартнома бо фармоишгарон мувофиқи тартиби муқарраршуда омода намудани супоришҳои меъморию банақшагирӣ;
- таҳияи ҳуҷҷатҳои лоиҳавӣ- харҷномавии сохтмон, азнавсозӣ, аз нав таҷҳизонидан, аз нав тарҳрезии иншооти сохтмони капиталӣ;
- пешбурди корҳои топографию геодезӣ, нусхабардории иҷроишӣ;
- иҷрои корҳо оид ба мувофиқасозии лоиҳа дар маҳал ва ҷойгиркунонии иншоот;
- таҳияи лоиҳаҳои мавзеъҳои ҳифзи ёдгориҳои табиӣ, таърихӣ, фарҳангӣ ва манзараҳои меъмории аҳамияти ҷумҳуриявӣ ва маҳаллӣ дошта, дизайни шаҳру ноҳия ва дигар нуқтаҳои аҳолинишин, лоиҳаҳои тармими муҷассамаҳои меъморӣ, таърихӣ ва фарҳангӣ;
- таҳияи лоиҳаҳои ангорӣ ва лоиҳаҳои иншооти муваққатӣ, аз ҷумла иншооти хоҷагию маишӣ дар ҳудуди қитъаҳои заминҳои наздиҳавлигӣ, хонаҳои шахсӣ, дар қитъаҳои заминҳои ҷамъиятҳои атрофи боғпарварӣ ва сабзавоткорӣ, ободонии қисмҳои ҳудудҳои назди бино ё қитъаҳои заминҳои наздиҳавлигӣ;
- дар асоси шартнома бо ширкатҳои соҳибмулкони манзил амалӣ намудани азназаргузаронӣ ва таҳқиқи бино, ҳудуди он ва дар доираи қоидаву меъёрҳои амалкунандаи сохтмониву меъморӣ пешниҳод намудани тавсияҳо бобати имконияти ҷойгирнамоии иншооти нав, аз он ҷумла сохтмони сабук;
- таҳияи лоиҳаҳои дигаргунсозии (азнавтаҷҳизонии) биноҳои таъиноти ғайриистеҳсолӣ, ки дар биноҳои мавҷудбуда анҷом дода шуда, ивазкунии конструксияҳои борбардорро талаб намекунанд;
- таҳияи лоиҳаҳои шакли (иншооти) хурди меъморӣ, майдончаҳои кушодаи варзишӣ, роҳравҳо, сангфарш кардани атрофии биноҳо, лоиҳаҳои ороиши бадеӣ ва таҷҳизонии муҳит, дизайн ва рекламаи беруна;
- пешбурди назорати муаллифӣ дар сохтмон;
- дар асоси фармоиш - шартнома бо тартиби муқарраршуда омода намудани супориши меъморию банақшагирӣ;
- ташкил намудани намоиши лоиҳаҳои иншооти сохтмонӣ;
- бо истифода аз сарчашмаҳои таърихии санъати меъмории ниёгон мусоидат намудан барои эҳё ва такмил додани мактаби миллии меъмориву лоиҳакашӣ;
- ба фармоишгарон расондани кӯмаки муздноки ташкилӣ, методӣ ва ғайра оид ба масоили меъморӣ, шаҳрсозӣ ва сохтмонӣ;
- бо тартиби муқарраргардида мусоидат намудан барои ташкил ва амалисозии кадастри давлатии шаҳрсозӣ ва мониторинги иншоотҳои фаъолияти шаҳрсозӣ;
- ба анҷом расонидани амалиёти воридотию содиротӣ ва фаъолияти дигари иқтисодии хориҷӣ;
- тавлиди маҳсулоти чопӣ ва интишори он, ба ин васила хизматрасонӣ дар соҳаи меъморӣ, лоиҳакашӣ ва сохтмонӣ;
- таҳияи шиносномаҳои рангубори биноҳои мавҷуда дар кӯчаҳои протоколии шаҳру ноҳияҳо ва ороиши гулгашту хиёбонҳо.
Корхонаи воҳиди давлатии «Лоиҳакаш»


Дар соли 2017 Корхонаи воҳиди давлатии «Лоиҳакаш»-и Кумита аз ҳисоби таҳияи лоиҳаҳо, расонидани хизматрасонӣ дар соҳа ба маблағи зиёда аз 11 млн.сомонӣ корҳоро ба сомон расонидаанд, ки нисбат ба ҳамин давраи соли гузашта 105 фоизро ташкил медиҳад.

Аз ҳисоби иҷрои кор ва расонидани хизматрасонӣ дар соҳаи шаҳрсозӣ ва меъморӣ аз ҷониби корхона ва зерсохторҳои он ба буҷаи ҷумҳурӣ 3345788 сомонӣ ворид гардидааст.
Корхонаи воҳиди давлатии “Лоиҳакаш” таҳияи нақшаҳои генералии деҳаи Ховалинг - маркази ноҳияи Ховалинг ва деҳаи Ҷиликӯл – маркази ноҳияи Дустии вилояти Хатлонро ба итмом расонида, бо Қарори Ҳукумати Ҷумҳурии Тоҷикистон тасдиқ гардидааст.
Корхонаи воҳиди давлатии «Лоиҳакаш»
Корхонаи воҳиди давлатии «Лоиҳакаш»
Инчунин корхона дар озмуни таҳияи лоиҳаҳои “Сохтмони мактаби №96 барои 744 ҷойи нишаст дар ноҳияи Сино”-и шаҳри Душанбе, “Сохтмони мактаби №74, барои 640 ҷойи нишаст дар ноҳияи Фирдавсӣ”-и шаҳри Душанбе” ва “Азнавсозии бинои муассисаи таҳсилоти миёнаи №7 дар ноҳияи Исмоили Сомонӣ”-и шаҳри Душанбе иштирок намуда, ғолибиятро ба даст оварда таҳияи лоиҳаҳои иншоотҳои боло зикрро ба анҷом расонида, аз ташхиси давлатӣ гузаронида ба фармоишгар супорида шуданд.
Корхонаи воҳиди давлатии «Лоиҳакаш»Корхонаи воҳиди давлатии «Лоиҳакаш»
Лоиҳаҳои даромадгоҳҳои варзишгоҳ ва боғи асосӣ дар шаҳри Ваҳдат фармоишгар мақомоти иҷроияи ҳокимияти давлатии шаҳри Ваҳдат, лоиҳаи мактаби №18-и ҷамоати деҳоти Лоҳутӣ дар ноҳияи Ховалинг ва Варзишгоҳ барои 3000 ҷои нишаст” дар шаҳраки Дӯстии ноҳияи Дустӣ, ки фармоишгараш Дирексияи иншоотҳои Ҳукумати Дастгоҳи иҷроияи Президенти Ҷумҳурии Тоҷикистон мебошад пурра таҳия ва коркард гардидааст.
Лоиҳаҳои эҷодии кормандон дар озмунҳо:
Корхонаи воҳиди давлатии «Лоиҳакаш»
Корхонаи воҳиди давлатии «Лоиҳакаш»
Лоиҳаҳои Варзишгоҳи шаҳрӣ барои 28000 нафар дар кӯчаи Балъамии шаҳри Душанбе, Маҷмааи варзишии баскетбол барои 8000 нафар дар шаҳри Душанбе, мактаби Президентӣ дар шаҳри Панҷакенти вилояти Суғд барои хонандагони болаёқати шаҳри Панҷакент, ноҳияҳои Айнӣ ва Кӯҳистони Мастчоҳ, мактабҳои таҳсилоти миёнаи умуми барои 1200 нафар хонанда дар шаҳри Ваҳдат ва ноҳияи Файзобод. Лоиҳаи ангоравии дарвозаи шаҳри Бохтар ва мактаби таҳсилоти миёнаи умуми барои 1500 нафар хонанда дар шаҳри Душанбе.
Корхонаи воҳиди давлатии «Лоиҳакаш»Корхонаи воҳиди давлатии «Лоиҳакаш»







Назарсанҷи

Оё тартиби кори комиссияи Хадамоти иҷозатномадиҳӣ ба шумо писанд аст?

 

Суроға:

734025, ш. Душанбе, кўчаи проф. Ш. Ҳусейнзода 36,

Тел: +992 (37) 221-88-53
+992 (37) 221-88-33

Факс: +992 (37) 223-02-00,

Е-mail: info@tajsohtmon.tj

Обу ҳаво