10 декабр 2018, душанбе

Тоҷикӣ   Русский   English

Раҳматуллозода Шаҳноз Ибодулло

1835
ҲУКУМАТИ ҶУМҲУРИИ ТОҶИКИСТОН
ҚАРОР
аз 9 феврали соли 2018 №53
ш. Душанбе

Дар бораи муовини Раиси Кумитаи меъморӣ ва
сохтмони назди Ҳукумати Ҷумҳурии Тоҷикистон
таъин намудани Раҳматуллозода Ш.И.

Ҳукумати Ҷумҳурии Тоҷикистон қарор мекунад:
Раҳматуллозода Шаҳноз Ибодулло муовини Раиси Кумитаи меъморӣ ва сохтмони назди Ҳукумати Ҷумҳурии Тоҷикистон таъин карда шавад.
Раиси Ҳукумати Ҷумҳурии Тоҷикистон Эмомалӣ Раҳмон

Раҳматуллозода  Шаҳноз  Ибодулло

Раҳматуллозода Шаҳноз Ибодулло


8 августи соли 1970 дар шаҳри Душанбе, дар оилаи хизматчӣ таваллуд шудааст.

Соли 1992 пас аз хатми факултети меъмории институти политехникии Тоҷикистон ба номи ак. М.С.Осимӣ дар вазифаи ассистенти кафедра, сипас корманди калони илмии институти номбурда кор кардааст. Пас аз хатми аспирантураи институти меъмории ш.Москав (МАРХИ) (с.1998-1999) соҳиби унвони номзади меъморӣ гардид. Аз соли 2000 то соли 2002 дар Кумитаи меъморӣ ва сохтмони назди Ҳукумати Ҷумҳурии Тоҷикистон дар вазифаи мудири саридораи меъморӣ ва шаҳрсозӣ ва сармутахассиси шӯъба кор кардааст. Аз соли 2002 то соли 2007 дар вазифаи меъмори дараҷаи-1 Устохонаи илмӣ-истеҳсолию эҷодии Академияи меъморӣ ва сохтмони Ҷумҳурии Тоҷикистон, аз соли 2007 то 2016 дар вазифаи сармеъмори ҶCК «Пажӯҳишгоҳи илмӣ ва лоиҳакашию ҷустуҷӯии САНИИОСП» кор кардааст. Солҳои 2016-2018 дар вазифаи директори КВД “Пажӯҳишгоҳи илмӣ-тадқиқотӣ ва лоиҳакашии “Душанбешаҳрсоз” фаъолият дошт. Бо Қарори Раиси Ҳукумати Ҷумҳурии Тоҷикистон Эмомалӣ Раҳмон таҳти №53 аз 9 феврали соли 2018 Раҳматуллозода Шаҳноз Ибодулло муовини Раиси Кумитаи меъморӣ ва сохтмони назди Ҳукумати Ҷумҳурии Тоҷикистон таъин карда шуд.

Раҳматуллозода Шахноноз Ибодулло, зиёда аз 200 лоиҳаҳои бино ва иншооти гуногунро таҳия намудааст, ки онҳо дар шаҳру ноҳияҳои Ҷумҳурии Тоҷикистон сохта шудаанд. Ў дар бисёр намоиш-озмунҳои байналхалқии меъморӣ иштирок намуда, сазовори ҷойҳои аввал гардида, бо медали тиллоии Иттифоқи меъморони Тоҷикистон мукофотонида шудааст.

Аз соли 2013 дар Анҷумани меъморони Ҷумҳурии Тоҷикистон ба вазифаи муовини Раиси Иттифоқи меъморони Тоҷикистон мебошад.
Аз соли 2015 Вакили Маҷлиси вакилони халқи шаҳри Душанбе аз ҳавзаи интихоботии №15 даъвати панҷум мебошад.
Оиладор, соҳиби 2 фарзанд мебошад.







Назарсанҷи

Оё тартиби кори комиссияи Хадамоти иҷозатномадиҳӣ ба шумо писанд аст?

 

Суроға:

734025, ш. Душанбе, кўчаи проф. Ш. Ҳусейнзода 36,

Тел: +992 (37) 221-88-53
+992 (37) 221-88-33

Факс: +992 (37) 223-02-00,

Е-mail: info@tajsohtmon.tj

Обу ҳаво