Главная > Навидҳо > Дар арафаи 27-умин солгарди Истиқлолияти давлатӣ дар ноҳияи Рӯдакӣ 12 иншоот ба истифода дода мешаванд

Дар арафаи 27-умин солгарди Истиқлолияти давлатӣ дар ноҳияи Рӯдакӣ 12 иншоот ба истифода дода мешаванд

31-08-2018, 10:17.

Ба муносибати 27- солагии Истиқлолияти давлатии Ҷумҳурии Тоҷикистон дар ноҳияи Рӯдакӣ 12 иншооти аҳамияти маҳаллию ҷумҳуриявидошта мавриди баҳрабардорӣ қарор мегирад. Дар ин бора муовини раиси ноҳияи Рӯдакӣ Раҷаб Ашӯров итилоъ дод.

Тавре Раҷаб Ашӯров зикр кард, қисме аз иншоот аз ҷониби соҳибкорони маҳаллӣ ва қисми дигар аз ҳисоби буҷети ноҳия сохта мешаванд. Аз ҷумла, аз ҷониби соҳибкорон Нуршед Машрабов бо маблағи 26 миллион сомонӣ мактаби замонавӣ барои 640 нафар хонанда, Қаҳҳор Ғуломов бо маблағи 24 миллиону 480 ҳазор сомонӣ мактаб барои 640 нафар хонанда ва ду муассисаи таҳсилоти миёнаи умумӣ дар ҷамоатҳои деҳоти Султонобод ва Эсанбойи ноҳия бо маблағи 3 миллиону 441 ҳазор сомонӣ бо 420 ҷойи нишаст аз ҳисоби буҷети ноҳия сохта шуда, дар арафаи ҷашни Истиқлолият мавриди истифода қарор мегиранд.

Вернуться назад