Дилшод Восиев бори сеюм беҳтарин нишонзани Чемпионати Тоҷикистон дониста шуд
29-11-2017, 12:06.
Дилшод Восиев, ҳамлагари бомаҳорати дастаи футболи «Истиқлол»-и Душанбе ва дастаи мунтахаби Тоҷикистон бори сеюм беҳтарин нишонзани Чемпионати Тоҷикистон дониста шуд.Тавре аз Федератсияи футболи Тоҷикистон иттилоъ доданд, дар бозие, ки дастаи футболи «Истиқлол»-и Душанбе бар дастаи футболи «Ҳосилот»-и Фархор бо ҳисоби 3:1 ғолиб омад, Дилшод Восиев тавонист се гол ба ҳадаф расонад. Натиҷаи мазкур ӯро дар пойгаи нишонзанӣ аз ҳамдастааш Манучеҳр Ҷалилов пеш гузаронд.
Дилшод Восиев дар мавсими имсолаи Чемпионати мамлакат бо 16 тӯби ба ҳадафрасонидааш беҳтарин нишонзан эълон шуд. Ӯ қаблан солҳои 2012 ва 2014 беҳтарин нишонзан гардида буд.
Вернуться назад