Ҳамкории дуҷониба дар самтҳои мусоидат барои амалигардонии ҳадафу афзалияти рушди Ҷумҳурии Тоҷикистон, татбиқи «Барномаи миёнамуҳлати рушди Ҷумҳурии Тоҷикистон барои солҳои 2021-2025» дар мулоқоти Вазири рушди иқтисод ва савдои ҷумҳурӣ Завқӣ Завқизода бо намояндаи доимии Барномаи рушди Созмони Милали Муттаҳид дар Ҷумҳурии Тоҷикистон Лени Монтиел дар Душанбе баррасӣ гардид, иттилоъ доданд дар Вазорати рушди иқтисод ва савдои мамлакат ба АМИТ «Ховар».

Мусоҳибон барномаҳои рушди иҷтимоию иқтисодии сатҳи маҳал ва амалисозии Ҳадафҳои рушди устуворро муҳим арзёбӣ намуданд.

Пешниҳод гардид, ки дар лоиҳаи Барномаи кишварии БРСММ барои солҳои 2021-2025 рушди устувор, ҳадафу афзалияти стратегии Ҳукумати Ҷумҳурии Тоҷикистон, инчунин рушди иқтисоди сабз ва иқтисоди рақамӣ ба инобат гирифта шаванд. Дар вохӯрӣ ҷонибҳо корҳои омодагиро ҷиҳати баргузор намудани ҷаласаи Шӯрои миллии рушди назди Президенти Ҷумҳурии Тоҷикистон ва Форуми рушди Ҷумҳурии Тоҷикистон муҳокима намуданд.