13-17 майи соли 2021 дар шаҳри Душанбе тибқи созишномаи ҳосилшудаи тарафҳо ҷаласаи навбатии гурӯҳҳои кории топографии ҳайатҳои ҳукумати Ҷумҳурии Тоҷикистон ва Ҷумҳурии Қирғизистон оид ба делимитатсия ва демаркатсияи Сарҳади давлатии Тоҷикистон ва Қирғизистон баргузор гардид. Дар ин бора АМИТ «Ховар» бо истинод ба Вазорати корҳои хориҷии Тоҷикистон хабар дод.

Пас аз анҷоми ҷаласа Протоколи дахлдор ба имзо расид.

Ҷонибҳо ба мувофиқа расиданд, ки мулоқоти навбатиро дар қаламрави Ҷумҳурии Қирғизистон баргузор кунанд.

Мулоқот дар фазои дӯстона ва рӯҳияи ҳамдигарфаҳмӣ гузашт.