19 май 2022, панҷшанбе

Тоҷикӣ   Русский   English Специальная версия

Офати табиӣ дар ноҳияҳои Айнӣ ва Кӯҳистони Мастчоҳ хисороти зиёд ба бор овард

1063
Шоми 11 август бар асари боридани борони шиддатнок дар ноҳияҳои Айнӣ ва Кӯҳистони Мастчоҳ сел омада ба деҳаҳои Зосун, Тумин ва Фатмеви ноҳияи Айнӣ, инчунин роҳи мошингарди Айнӣ- Кӯҳистони Мастчоҳ хисороти калон расонд.
Акрам Қосимов, муовини аввали раиси ноҳияи Айнӣ дар суҳбати телефонӣ гуфт, ки бар асари омадани сел дар деҳаҳои Зосун, Тумин ва Фатмеви ноҳияи Айнӣ хушбахтона талафоти ҷонӣ ба қайд гирифта нашудааст. Офати табиӣ асосан ба хонаҳои истиқоматӣ, мактаб, каналу ҷӯйборҳо, заминҳои кишоварзӣ, хусусан майдонҳои кишти сабзавот, картошка, беда ва ҷуворимака, хоҷагиҳои ёрирасони аҳолӣ зарари ҷиддӣ расонид.
Офати табиӣ дар ноҳияҳои Айнӣ ва Кӯҳистони Мастчоҳ хисороти зиёд ба бор овард

Акрам Қосимов афзуд, ки дар ноҳияи Айнӣ барои бартараф кардани оқибатҳои офати табиӣ Комиссияи ноҳиявӣ аз ҳисоби идораҳои марбута созмон дода шуда, дар маҳалҳои аз офати табиӣ зарардида корҳои бартарафсозиро идома медиҳад ва зарари расонидаи селро муайян месозад. Ҳамзамон мавсуф афзуд, ки бар асари омадани сел дирӯз қитъаи роҳи Душанбе-Чаноқ дар километрҳои 101, 103 ва 106-дар зарфи 1,5 соат баста шуда, баъди тоза кардани ин қитъаи роҳ ҳаракати нақлиёт дар ин масир идома ёфт.




Назарсанҷи

Ба фаъолияти Раёсати экспертизаи давлатии ғайриидоравии ҳуҷҷатҳои лоиҳавии шаҳрсозӣ ва Корхонаи воҳиди давлатии «Ташхисгар» чӣ гуна баҳогузорӣ мекунед?

 

Суроға:

734025, ш. Душанбе, кўчаи проф. Ш. Ҳусейнзода 36,

Тел: +992 (37) 221-88-53
+992 (37) 221-88-33

Факс: +992 (37) 223-02-00,

Е-mail: info@tajsohtmon.tj

Обу ҳаво