16 феврал Сафири Ҷумҳурии Тоҷикистон дар Подшоҳии Муттаҳидаи Британияи Кабир ва Ирландияи Шимолӣ Масуд Халифазода дар ҷаласа оид ба имконоти сармоягузорӣ дар Ҷумҳурии Тоҷикистон иштирок ва суханронӣ намуд. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.

Сафири Тоҷикистон доир ба вазъи ҷории Тоҷикистон дар шароити ҳамагирӣ, ҳамкории дуҷонибаи Тоҷикистон ва Британияи Кабир, инчунин имконияти сармоягузорӣ дар Тоҷикистон дар соҳаҳои гуногуни иқтисодӣ, аз ҷумла саноати кӯҳӣ, нақлиёт, бонкдорӣ, кишоварзӣ, энергетика, муҳити зист ва ғайра маълумот дод.

Дар ҷаласа намояндагони доираҳои тиҷорат ва сармоягузории Британияи Кабир ширкат намуданд.

АКС аз ВКХ ҶТ