19 май 2022, панҷшанбе

Тоҷикӣ   Русский   English Специальная версия

Дар Тоҷикистон истеҳсоли шифер зиёд гардидааст

231
Дар ҳафт моҳи соли равон дар ҷумҳурӣ 718,6 ҳазор дона шифер ба маблағи 21,8 миллион сомонӣ истеҳсол гардидааст, ки нисбат ба ҳамин давраи соли гузашта 184,7 ҳазор дона зиёд аст. Дар ин бора аз Вазорати саноат ва технологияҳои нави Ҷумҳурии Тоҷикистон ба АМИТ «Ховар» хабар доданд.

Арзиши аслии шифер 32,6 сомониро ташкил дода, нархи он бо назардошти андозҳо ва даромаднокӣ дар корхона 41,0 сомонӣ мебошад.

Ҳоло дар ҷумҳурӣ 10 корхонаи истеҳсоли шифер фаъолият доранд. Имсол 2 корхонаи нави истеҳсоли шифер–ҶММ «Восеъ саноат» дар ноҳияи Восеи вилояти Хатлон ва ҶММ «Хизир Назар» дар шаҳри Гулистони вилояти Суғд мавриди истифода қарор гирифтанд.

Инчунин бо иштироки Сарвари давлат дар шаҳри Бӯстон дар заминаи ҶДММ «Воситзода» коргоҳи истеҳсоли шиферҳои асбестӣ бо иқтидори солонаи 250 ҳазор дона бо фарогирии 25 нафар коргарон ба фаъолият оғоз намуд. Бо назардошти фаъолияти мунтазами корхонаҳои мазкур истеҳсоли шифер зиёд гардида, воридоти он коҳиш меёбад.




Назарсанҷи

Ба фаъолияти Хадамоти назорати сохтмон чӣ гуна баҳо мегузоред?

 

Суроға:

734025, ш. Душанбе, кўчаи проф. Ш. Ҳусейнзода 36,

Тел: +992 (37) 221-88-53
+992 (37) 221-88-33

Факс: +992 (37) 223-02-00,

Е-mail: info@tajsohtmon.tj

Обу ҳаво