16 июл 2024, сешанбе

Тоҷикӣ   Русский   English Специальная версия

Вусъати раванди бунёдкорӣ ба ифтихори 30-солагии Истиқолияти давлатӣ дар Ҳисор

378
Аз 767 иншооте, ки ба ифтихори 30-юмин солгарди Истиқлолияти давлатии Ҷумҳурии Тоҷикистон дар шаҳри Ҳисор бунёд мегарданд, 261 ададаш мавриди истифода қарор дода шуда, корҳои бунёдкорию созандагӣ дар иншооти боқимонда бомаром идома доранд. Матлаби мазкур дар машварати корие, ки дар шаҳри Ҳисор бо иштироки аъзои гурӯҳҳои корӣ таҳти раёсати раиси шаҳри Ҳисор Шарифҷон Ҷумъазода дар партави иҷрои дастуру супоришҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати дар сатҳи баланди ташкилӣ таҷлил намудани ҷашни 30-солагии Истиқлолияти давлатӣ доир гардид, зикр шуд.

Дар машварат ба масъулин дастур дода шуд, ки ҳамкориро бо соҳибмулкон, соҳибкорон ва аҳолӣ наздик карда, ба суръат ва сифати корҳои сохтмонӣ ва истифодаи маҳсулоти ватанӣ эътибор диҳанд.

Раиси шаҳр дар идомаи машварат ба масъалаҳои тозагии муҳити зист, ободонии манзили истиқоматӣ, вазъи фаъолият дар муассисаҳои таълимию табобатӣ, пешгирии бемориҳои сироятӣ ва ба роҳ мондани корҳои тарғибу ташвиқ дар байни аҳолӣ ҷиҳати таъмини амнияту бехатарӣ, фаъолияти мунтазам ва судманди бозорҳои шаҳр махсусан вазъи тозагӣ диққати ҷиддӣ дода, ба роҳбарони гурӯҳҳои корӣ, муовинони раиси шаҳр дастуру супоришҳои мушаххас дода, иҷрои нақшаҳои бунёдӣ ва амалӣ намудани ҳадафҳои муҳимро дар самти рушди вазъи зиндагии аҳли ҷомеа аз самтҳои муҳими фаъолият арзёбӣ кард.

Бояд гуфт, ки дар арафаи иди Наврӯз дар шаҳри Ҳисор 57 иншоот, аз ҷумла як муассисаи томактабӣ барои 120 нафар кӯдак, бинои иловагӣ дар назди се муассисаи таълимӣ бо таъсиси беш аз 350 ҷои нишаст, 7 бунгоҳи тиббӣ, майдончаи варзишӣ, коргоҳҳои дӯзандагӣ, маркази омӯзиши забонҳо, сартарошхона, нонвойхона мавриди истифода қарор дода шуданд, ки бозгӯи раванди корҳои бунёдкорӣ дар шаҳри Ҳисор аст.




Назарсанҷи

Ба фаъолияти Раёсати экспертизаи давлатии ғайриидоравии ҳуҷҷатҳои лоиҳавии шаҳрсозӣ ва Корхонаи воҳиди давлатии «Ташхисгар» чӣ гуна баҳогузорӣ мекунед?

 

Суроға:

734025, ш. Душанбе, кўчаи проф. Ш. Ҳусейнзода 36,

Тел: +992 (37) 221-88-53
+992 (37) 221-88-33

Факс: +992 (37) 223-02-00,

Е-mail: info@tajsohtmon.tj

Обу ҳаво