23 марти соли 2016 Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо сафари корӣ ба вилояти Суғд ташриф овард.
Сарвари давлат Эмомалӣ Раҳмонро дар фурудгоҳи шаҳри Хуҷанд сокинони вилоят бо шукӯҳу шаҳомати хосса ва самимияти беандоза истиқбол гирифтанд.
Ҳадафҳои асосӣ аз ин сафари корӣ иштирок дар тантанаҳои наврӯзӣ, шиносоӣ бо рафти корҳои ободонию бунёдкорӣ, вусъати корҳои саҳроӣ, иштирок дар маросими ифтитоҳи иншооти таъиноти гуногун, гузоштани санги асос барои сохтмони дигар иншоот ва мулоқот бо сокинону фаъолони шаҳру ноҳияҳои вилояти Суғд мебошад.