23 сентябр дар ҳошияи иҷлосияи 74-уми Маҷмаи Умумии СММ Сарвазири Ҷумҳурии Тоҷикистон Қоҳир Расулзода бо Раиси иҷлосияи кунунии Маҷмаи Умумии СММ Тиҷҷанӣ Муҳаммад-Банде вохӯрӣ намуд. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.

Дар ҷараёни мулоқот роҳҳои густариши ҳамкорӣ байни ду ҷониб дар ҳошияи иҷлосияи мазкур дар масъалаҳои мавриди эҳтимоми муштарак, аз ҷумла татбиқи Даҳсолаи байналмилалии амал «Об барои рушди устувор, 2018-2028» муҳокима шуданд.

Сарвазири мамлакат Раиси Маҷмаи Умумиро барои анҷом додани боздид аз Тоҷикистон дар фурсати муносиб даъват намуд.