Дар деҳаи «Навобод»-и ноҳияи Ёвон бо маблағгузории Ҳукумати Ҷопон мактаби нав сохта шуд. Мактаби навсохти №58 аз ҳашт синфхона ва китобхона иборат буда, барои 200 толибилм дар як баст пешбинӣ шудааст. Мактаби мазкур дар доираи лоиҳаи «Барномаи кумакҳои бебозгашт ва амнияти башарӣ барои бахши аъзами аҳолӣ»(GGP) бо харҷи 92 ҳазор доллари амрикоӣ сохта шудааст.Дар маросими ифтитоҳи муассисаи таълимии мазкур Тиэ Тамура, муовини роҳбари ҳайати Сафорати Ҷопон дар Тоҷикистон, масъулини мақомоти иҷроияи ҳокимияти давлатии ноҳияи Ёвон, инчунин падару модарон ва хонандагон ширкат доштанд.