-Кумитаи кор бо занон ва оилаи назд Ҳукумати Ҷумҳурии Тоҷикистон ба 114 оилаи зарардидаи водии Бартанги ноҳияи Рӯшони вилояти Бадахшон, ки дар натиҷаи заминларза хонаҳояшон вайрон гашта буд, кумак расонид. Ба мардуми зарардида либосҳои гарми кӯдакона, рӯйпӯш барои рахти хоб, маводи беҳдоштӣ ва дигар маводи ниёзи аввал расонида шуд.
Дар навбати худ бошандагони ин водӣ барои дастгирӣ ва кумак сипосгузории хешро ба Ҳукумати Ҷумҳурии Тоҷикистон иброз доштанд, ки дар чунин лаҳзаҳои барояшон душвор онҳоро танҳо намонда, ҳамаҷониба дастгирӣ намуданд.