26 июн 2019, чоршанбе

Тоҷикӣ   Русский   English

Афзоиши хатсайрҳои байналмилалии автомобилӣ дар Тоҷикистон

80
Ҷуғрофиёи хатсайрҳои байналмилалии автомобилӣ дар Тоҷикистон дар қиёс ба солҳои қаблӣ фарох гардидааст. Дар радифи хатсайрҳои ба самти шаҳрҳои Самара, Новосибирски Россия ва шаҳрҳои Боткент, Аркаи Қирғизистон фаъолиятдошта, хатсайрҳои нав бо шаҳрҳои Тирмиз, Деҳнав ва Самарқанди Ӯзбекистон ифтитоҳ гардидаанд.
Ифтитоҳи хастайрҳои нави байналмилалии автомобилӣ аз Тоҷикистон ба шаҳрҳои Ӯзбекистон ба рафту омади мусофирон, интиқоли молу маҳсулот, рушди иқтисоду тиҷорат ва ба таҳкими дӯстиву рафоқат, бародарӣ ва ҳусни ҳамҷаворӣ байни Тоҷикистону Ӯзбекистон мусоидат менамоянд.
Ҳамзамон ҷиҳати ташкили босифати хизматрасонӣ дар бахши нақлиёти мусофирбарӣ бо ибтикори Роҳбарияти мамлакат ва шаҳри Душанбе беш аз дусад автобуси муосир ва садҳо нақлиёти мусофирбари таксӣ ба кишвар ворид гардида, корхонаи муштараки тоҷикиву туркии «Авесто» ташкил карда шуд, ки автобусҳои замонавиро истеҳсол мекунад.
Аз Вазорати нақлиёти ҷумҳурӣ иттилоъ доданд, ки бо мақсаи рушди соҳаи нақлиёти мамлакат бо дастгирии бевоситаи Пешвои миллат дар соҳаи нақлиёт 12 лоиҳаи сармоягузорӣ дар ҳоли татбиқ қарор доранд. Лоиҳаи «Таҷдиди роҳи мошингарди Хуҷанд-Исфара» бо тӯли беш аз 67 км, қитъаҳои Гулистон-Исфара бо дарозии 18,2 км, Исфара-Ким бо дарозии 13 км, Ким-Кучкак 13,9 км ва Конибодом-Патар бо дарозии 5,7 км пурра ба анҷом расида, дар Рӯзи Ваҳдати миллӣ — 27 июни соли 2018 бо иштироки Асосгузори сулҳу ваҳдати миллӣ, Пешвои миллат Президенти Ҷумҳурии Тоҷикистон муҳтарам Эмомалӣ Раҳмон ба истифода дода шуданд.
Ҳамзамон моҳи октябри соли гузашта Сарвари давлат дар ноҳияи Ҷаббор Расулов қитъаҳои боқимондаи роҳи мошингарди Деҳмой-Пролетар ва Пролетар-Маданияти роҳи мошингарди Хуҷанд-Исфараро ба истифода доданд. Инчунин дар остонаи 27-умин солгарди Истиқлолияти давлатии Ҷумҳурии Тоҷикистон бо иштироки Сарвари давлат муҳтарам Эмомалӣ Раҳмон ва Раиси шаҳри Душанбе Рустами Эмомалӣ дар маҳаллаи 82-юми пойтахт аввалин эстакада дар Тоҷикистон ифтитоҳ гардид, ки ин иншоот барои ба меъёрҳои байналмилалӣ мутобиқ кунонидани роҳҳои пойтахт ва коҳиш додани танбашавӣ дар роҳҳои пойтахти мамлакат мусоидат менамояд.
Тибқи иттилои сарчашма, лоиҳаҳои «Таҷдиди роҳи мошингарди Душанбе – Турсунзода ва «Таҷдиди роҳи мошингарди Душанбе – Бохтар» босуръат идома дорад. Инчунин аз ҳисоби сарфаи маблағҳои Лоиҳаи таҷдиди роҳи мошингарди Восеъ-Ховалинг ва асфалтхобонии қабати дуюми болопӯши роҳ дар қитъаи «Сайрон-Қарамиқ» таҷдиди роҳи мошингарди «Кангурт-Балҷувон-Ховалинг» оғоз гардида, як қисми корҳои сохтмонӣ иҷро гардидаанд.
Мавриди зикр аст, ки Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёмашон ба Маҷлиси Олӣ зимни натиҷагирӣ аз рушди соҳаи нақлиёт ва коммуникатсия дар мамлакат зикр намуданд, ки дар давраи соҳибистиқлолӣ дар Тоҷикистон беш аз 2100 километр роҳҳои мошингарди дорои аҳамияти байналмилаливу ҷумҳуриявӣ ва зиёда аз 1000 километр роҳҳои мошингарди дохилӣ бунёду таҷдид карда шуданд.
Ҳамзамон Президенти мамлакат афзуданд, ки минбаъд Ҳукумати кишвар бояд доир ба тавсеаи минбаъдаи шабакаи долонҳои нақлиётӣ ва тақвияти инфрасохтори нақлиётӣ, баромадан ба бандарҳои баҳрӣ, бунёди терминалҳои наздисарҳадӣ ва марказҳои логистикӣ, навсозии заминаҳои моддиву техникӣ ва таҷдиди паркҳои нақлиётӣ, инчунин афзоиши ҳамлу нақли молу маҳсулот тадбирҳои иловагӣ андешад.







Назарсанҷи

Ба фаъолияти Раёсати экспертизаи давлатии ғайриидоравии ҳуҷҷатҳои лоиҳавии шаҳрсозӣ ва Корхонаи воҳиди давлатии «Ташхисгар» чӣ гуна баҳогузорӣ мекунед?

 

Суроға:

734025, ш. Душанбе, кўчаи проф. Ш. Ҳусейнзода 36,

Тел: +992 (37) 221-88-53
+992 (37) 221-88-33

Факс: +992 (37) 223-02-00,

Е-mail: info@tajsohtmon.tj

Обу ҳаво