Ба муносибати ҷашни 32-солагии Истиқлолияти давлатии Ҷумҳурии Тоҷикистон як қатор кормандони сохторҳои Кумитаи меъморӣ ва сохтмони назди Ҳукумати Ҷумҳурии Тоҷикистон, ки дар фаъолияти корӣ ба натиҷаҳои назаррас ноил гаштаанд, бо фармони Президенти Ҷумҳурии Тоҷикистон бо мукофотҳои давлатии Ҷумҳурии Тоҷикистон сарфароз гардонида шуданд.


Мукофотҳои давлатиро Муовини Сарвазири Ҷумҳурии Тоҷикистон муҳтарам Усмонзода Усмоналӣ Юнусалӣ тақдим намуданд. Муовини Сарвазири Ҷумҳурии Тоҷикистон ҳозиринро ба муносибати ҷашни муқаддаси миллӣ – 32 солагии Истиқлолияти давлатии Ҷумҳурии Тоҷикистон табрик намуда, саҳми кормандони соҳаи меъморӣ ва сохтмонро дар татбиқи сиёсати Ҳукумати Ҷумҳурии Тоҷикистон назаррас арзёбӣ намуданд.
Раиси Кумитаи меъморӣ ва сохтмони назди Ҳукумати Ҷумҳурии Тоҷикистон Мирзозода Низом Юсуфӣ аз номи ташкилотҳои зерсохтори Кумита барои қадрдонӣ намудани кормандон бо мукофотҳои давлатӣ ба Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон изҳори миннатдорӣ намуда, қайд намуданд, ки мо кормандони соҳаи сохтмон ва меъморӣ Ҳукумати Ҷумҳурии Тоҷикистон, пеш аз ҳама Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро бовар мекунонем, ки тамоми донишу малакаи кордонии худро баҳри боз ҳам беҳтар намудани сатҳу сифати корҳои сохтмониву лоиҳакашӣ, вусъат бахшидан ба фаъолияти бинокорӣ ва ободу зеботар кардани Ватани азизамон сафарбар намуда, баҳри иҷрои дастуру супоришҳои Сарвари давлатамон кушиш ба харҷ дода, ба комёбиҳои боз ҳам бештар ноил мегардем.