29 март 2024, ҷумъа

Тоҷикӣ   Русский   English Специальная версия

Дар Хоруғ бахшида ба Рӯзи Ғалаба ва Рӯзи ҷавонон байни ниҳодҳои қудратию низомӣ мусобиқаи варзишӣ оид ба волейбол оғоз ёфт

643
     Дар Хоруғ бахшида ба Рӯзи Ғалаба ва Рӯзи ҷавонон байни ниҳодҳои қудратию низомӣ мусобиқаи варзишӣ оид ба волейбол оғоз ёфтБо ташаббуси Раёсати Кумитаи давлатии амнияти миллии Ҷумҳурии Тоҷикистон дар Қасри варзиши шаҳри Хоруғ бахшида ба Рӯзи Ғалаба ва Рӯзи ҷавонон байни дастаҳои сохторҳои қудратию низомӣ мусобиқаи варзишӣ оид ба волейбол оғоз гардид.

Тавре хабарнигори минтақавии АМИТ “Ховар” хабар медиҳад, раиси Вилояти Мухтори Кӯҳистони Бадахшон Шодихон Ҷамшед иштирокдорони мусобиқаро бо Рӯзи Ғалаба ва Рӯзи ҷавонон табрик намуда, изҳор дошт, ки ҳардуи ин ҷашн бо ҳам пайвастагии зич доранд.
     Дар Хоруғ бахшида ба Рӯзи Ғалаба ва Рӯзи ҷавонон байни ниҳодҳои қудратию низомӣ мусобиқаи варзишӣ оид ба волейбол оғоз ёфт
Ш. Ҷамшед аз ширкати фаъоли кормандони мақомоти ҳифзи ҳуқуқ, бахусус занону духтарон дар чорабиниҳои варзишӣ хуш истиқбол карда, баён дошт, ки чунин мусобиқаҳои оммавӣ ба фикру ақида, рафтору пиндори ҷавонон таъсири мусбат мегузоранд ва назари онҳоро нисбат ба зуҳуроти зишти ҷомеа ба мисли терроризму экстеримистӣ, нашъамандию нашъҷаллобӣ комилан тағъир медиҳанд.

Зикр шуд, ки агар ҷавонон дар чунин ҳамоишҳои оммавӣ бештар ширкат варзанду бо ҳам дидору мулоқот кунанд, ҳамон қадар риштаи дустӣ байнашон мустаҳкамтар мешавад ва ҳеҷ қуввае наметавонад онҳоро ба манфиати ғаразҳои шахсии худ истифода барад.

Сардори Раёсати Кумитаи давлатии амнияти миллии Ҷумҳурии Тоҷикистон дар вилоят Маҳмадқул Мелеков аз ҷавонон даъват намуд, ки бештари вақти худро ба андӯхтани дониш ва солимии ҷисму рӯҳ масраф намоянд. Зеро танҳо дониш, маҳорату малакаи варзишию фарҳангии ҷавонон ба пешрафти риштаҳои иқтисодию иҷтимоӣ, илмию фарҳангии кишвар мусоидат хоҳад кард.

Дар мусобиқаи варзишӣ ҳафт дастаи занона аз Раёсати Кумитаи давлатии амнияти миллии ҶТ, РВКД, Қушунҳои сарҳадӣ, Прокуратура, Суд, Комиссариати ҳарбӣ ва Раёсати Хадамоти давлатии оташнишонии вилоят ширкат меварзанд. Ғолибони мусобиқаро мукофотҳои арзишнок интизор аст.




Назарсанҷи

Ба фаъолияти Хадамоти назорати сохтмон чӣ гуна баҳо мегузоред?

 

Суроға:

734025, ш. Душанбе, кўчаи проф. Ш. Ҳусейнзода 36,

Тел: +992 (37) 221-88-53
+992 (37) 221-88-33

Факс: +992 (37) 223-02-00,

Е-mail: info@tajsohtmon.tj

Обу ҳаво