25 ноябр дар шаҳри Душанбе дар мавзӯи «Меъёрбандии меҳнат дар давлатҳои узви ИДМ» бо иштироки намояндагони давлатҳои узви ИДМ, созмонҳои байналмилалӣ ва институтҳои таҳқиқотӣ Конфронси байналмилалии илмию амалӣ баргузор мегардад. Ин матлат 3 ноябр зимни ҷаласаи XXXV Шӯрои машваратӣ оид ба меҳнат, шуғл ва ҳифзи иҷтимоии аҳолии давлатҳои узви ИДМ, ки тариқи онлайн баргузор гардид, баён шуд.

Дар ҷаласаи мазкур муовини Вазири меҳнат, муҳоҷират ва шуғли аҳолии Ҷумҳурии Тоҷикистон Нурулло Маҳмадуллозода тариқи онлайн доир ба вазъи иҷтимоию меҳнатӣ дар Тоҷикистон ва тадбирҳои дар ин самт андешида, бо кор таъмин намудани ҷавонон ва ҷалби онҳо ба намудҳои гуногуни шуғл, ҳалли масъалаҳои истифодаи оқилонаи захираҳои меҳнатӣ дар ҷумҳурӣ маърӯза намуд.

Аз рӯи натиҷаҳои ҷаласа якчанд қарорҳои дахлдор қабул карда шуданд.