Дар ояндаи наздик дар ноҳияи Нуробод татбиқи 129 лоиҳа дар назар аст. Дар ин бора мудири бахши иқтисод ва савдои мақомоти иҷроияи ҳокимияти давлатии ноҳия Мирсаид Хоҷаев иттилоъ дод.
Бино ба маълумоти Мирсаид Хоҷаев, дар ноҳияи Нуробод тайи се соли охир 57 иншоот мавриди баҳрабардорӣ қарор гирифтанд. Дар соҳаи кишоварзӣ се лоиҳа ба маблағи 3 миллион сомонӣ, тандурустӣ- 12 лоиҳа ба маблағи 1 миллиону 898 ҳазор сомонӣ, маориф- 13 лоиҳа ба маблағи 20 миллиону 400 ҳазор сомонӣ, ҳифзи иҷтимоӣ- 4 лоиҳа ба маблағи 161 ҳазор сомонӣ, фарҳанг- 3 лоиҳа ба маблағи 9 миллиону 350 ҳазор сомонӣ, обтаъминкунӣ- 4 лоиҳа ба маблағи 12 миллиону 600 ҳазор сомонӣ, барқтаъминкунӣ- 1 лоиҳа ба маблағи 800 ҳазор сомонӣ, нақлиёт ва роҳ- 3 лоиҳа ба маблағи 10 миллиону 800 ҳазор сомонӣ, ҳолатҳои фавқулода- 2 лоиҳа ба маблағи 1 миллиону 950 ҳазор сомонӣ ва соҳибкории хурду миёна- 9 лоиҳа ба маблағи 5 миллиону 622 сомонӣ бо сатҳу сифати баланд амалӣ гардиданд.
«Дар бунёди иншооти зикршуда 69 миллиону 464 ҳазору 500 сомонӣ масраф шудааст»,-илова намуд М. Хоҷаев.