Имрӯз дар шаҳри Душанбе Вазири корҳои хориҷии Ҷумҳурии Тоҷикистон Сироҷиддин Муҳриддин бо иҷрокунандаи вазифаи Вазири корҳои хориҷии Ҷумҳурии Узбекистон Владимир Норов мулоқот намуд, хабар медиҳад АМИТ «Ховар».

Владимир Норов ҷиҳати иштирок дар ҷаласаи Шӯрои вазирони корҳои хориҷии Иттиҳоди Давлатҳои Мустақил, ки имрӯз таҳти раёсати ҷониби Тоҷикистон баргузор мешавад, дар Душанбе қарор дорад.

Ёдовар мешавем, ки Шӯрои вазирони корҳои хориҷии ИДМ мақоми асосии иҷроияи Иттиҳод буда, дар асоси қарорҳои Шӯрои сарони давлатҳо ва Шӯрои сарони ҳукуматҳо фаъолияти сиёсати хориҷии давлатҳои аъзо, аз ҷумла фаъолияти онҳоро дар созмонҳои байналмилалӣ ҳамоҳанг месозад.

Хабар давоми рӯз такмил дода мешавад.