22 апрел мулоқоти Прокурори генералии Ҷумҳурии Тоҷикистон Юсуф Раҳмон бо иҷрокунандаи вазифаи Мудири иҷроияи Раёсати Кумитаи зиддитеррористии Шӯрои амнияти СММ Вейсюн Чен баргузор гардид. Дар ин бора АМИТ «Ховар» бо истинод ба Намояндагии доимии Тоҷикистон дар СММ хабар медиҳад.

Зимни вохӯрӣ ҷонибҳо тавсеаи ҳамкорӣ байни Ҷумҳурии Тоҷикистон ва Раёсати Кумитаи зиддитеррористии Шӯрои амният, аз ҷумла аҳамияти татбиқи «Стратегияи Ҷумҳурии Тоҷикистон оид ба муқовимат ба терроризм ва экстремизм барои солҳои 2021-2025» — ро муҳим арзёбӣ намуданд.

Ҳамчунин ҷонибҳо масъалаҳои мубориза бо терроризм ва ифротгароӣ дар минтақа, алалхусус рӯйдодҳои охир дар Афғонистонро мавриди баррасӣ қарор доданд.