Яке аз хиёбонҳои ноҳияи Фирдавсии шаҳри Душанбе ба номи устоди санъати театри мусиқӣ ва драмавӣ, Артисткаи халқии СССР шодравон Туҳфа Фозилова гузошта мешавад.
Ин нуктаро Фарҳод Раҳимӣ, президенти Академияи илмҳои Ҷумҳурии Тоҷикистон зимни ҳамоиши байналмилалии илмие, ки имрӯз дар Душанбе ба ифтихори 100-солагии устоди санъати театрӣ ва мусиқӣ Туҳфа Фозилова баргузор гардид, баён дошт.
Намояндагони ҳамоиши байналмилалии илмии «Анъана ва меросбарӣ дар фарҳанги театрию мусиқии мардумони Осиёи Марказӣ: дирӯз ва имрӯз» баъд аз нисфирӯзии имрӯз дар маросими бардоштани лавҳаи ёдгорӣ дар хиёбоне, ки ба номи Тӯҳфа Фозилова гузошта мешавад, иштирок хоҳанд кард.