21 октябр 2021, панҷшанбе

Тоҷикӣ   Русский   English

Корхонаи воҳиди давлатии «Маркази нархгузорӣ дар соҳаи сохтмон»

4925
Корхонаи воҳиди давлатии «Маркази нархгузорӣ дар соҳаи сохтмон»

Азизбек Ниёззода
Директори Корхонаи воҳиди давлатии «Маркази нархгузорӣ дар соҳаи сохтмон»

Корхонаи воҳиди давлатии «Маркази нархгузорӣ дар соҳаи сохтмон» дар асоси қарори Ҳукумати Ҷумҳурии Тоҷикистон аз 1 октябри соли 2009, №554 таъсис ёфта, фаъолияти худро дар асоси хоҷагидорӣ амалӣ менамояд. Муассиси корхона Кумитаи меъморӣ ва сохтмони назди Ҳукумати Ҷумҳурии Тоҷикистон мебошад.

Корхона аз 2 шуъба ва 4 бахшҳои зерин иборат аст:
- шуъбаи мониторинги нархҳои маҳсулотҳои сохтмонӣ, технологияҳои информатсионӣ ва таъминоти барномавӣ;
- шуъбаи ташхисӣ-таҳлилӣ;
- бахши маркетинг;
- бахши умумӣ ва кадрҳо;
- бахши молия ва хоҷагидорӣ;
-бахши технологияҳои инноватсионӣ дар сохтмон ва татбиқи меъёрҳои нави харҷномавӣ.
Мувофиқи Нақшаи корӣ оиди таҳияи ҳуҷҷатҳои меъёрию-техникӣ барои соли 2020, Корхона ӯҳдадор гардида буд, ки таҳияи 6 номгӯйи ҳуҷҷатҳо, аз ҷумла 2 ҳуҷҷати меъёрӣ, Маҷмӯа ва Ахборотномаи ҳарсемоҳаи нархҳои миёнаи харҷномавӣ, таҳияи индексҳои ҷории бозҳисобкунии арзиши корҳои сохтмонӣ, ҳуҷҷати маълумотии нархгузорӣ ва ворид намудани тағйироту иловаҳоро ба барномаи харҷномасозии “Гранд-смета”-и Федератсияи Россия, ба иҷро расонад.
Раванди иҷроиши корҳо мувофиқи бандҳои нақшаи корҳо вобаста ба таҳияи ҳуҷҷатҳои меъёрию-техникӣ дар ҳолати зерин қарор дорад:
Дар асоси талаботи «Низомнома оид ба гузаронидани мониторинги нархҳои ҷории захираҳои моддӣ дар сохтмон», ки бо фармоиши Кумитаи меъморӣ ва сохтмони назди Ҳукумати Ҷумҳурии Тоҷикистон №98/ф аз 10 октябри соли 2017 тасдиқ гардидааст, мониторинги нархҳои масолеҳҳои сохтмонӣ гузаронида шуда, “Маҷмӯаи ҳарсемоҳаи нархҳои харҷномавӣ ба захираҳои асосии сохтмонӣ” ва “Ахборотномаи ҳарсемоҳаи нархгузорӣ дар сохтмон” бароришҳои №1, №2, №3 ва № 4 барои соли 2020 таҳия гардид ва тибқи тартиби муқарраргардида се нусхаи чопӣ ва нусхаи электронӣ ба Кумита барои маҳфуз нигоҳ доштан дар бойгонӣ пешниҳод гардид.
Корҳо оиди таҳияи ҳуҷҷати “Тағйиру иловаҳо ба ҳуҷҷати меъёрии “Меъёрҳои унсурии харҷномавӣ ба корҳои сохтмон ва сохтмони махсус” (МУХ ҶТ-2007), (барориши 3) ба итмом расонида шуда, дар марҳилаи тасдиқкунӣ қарор дода шудааст. Мувофиқи тартиби муқараргардида пеш аз ба қайди давлатӣ гирифтани ҳуҷҷат дар Вазорати адлияи Ҷумҳурии Тоҷикистон, лоиҳаи ҳуҷҷат бо 24 вазорату идораҳо, ташкилоту муассисахои лоиҳакашӣ ва Фармоишгарон ба мувофиқа расида, он дар комиссияи байниидоравии нархгузорӣ аз 25 декабри соли 2020 мавриди баррасӣ қарор дода шуд. Қаблан бо назардошти пешниҳоди таклифҳои 19 адад институтҳои лоиҳакашӣ ва ташкилоту идораҳои ҷумҳуриявӣ ҳуҷҷати мазкур мукаммал гардида буд. Айни ҳол ҳуҷҷати мазкур дар марҳилаи тасдиқ ва бақайдгирии давлатӣ қарор дода шудааст.
Ҳуҷҷати “Маълумотномаи нишондиҳандаҳои нисбии арзиши харҷномавии бино ва иншооти ҳаммонанд” дар ҳамкорӣ ва мувофиқа бо дигар ташкилотҳои лоиҳакаш ва Раёсати экспертизаи давлатӣ таҳия гардида, дар Комиссияи байниидоравии нархгузорӣ санаи 25.09.2020 сол баррасӣ гардид. Бо назардошти таклифу пешниҳодоти аъзоёни комиссия, ҳуҷҷат мукаммал гардонида шуда, такроран дар ҷаласаи Комиссияи байниидоравии нархгузорӣ аз 25 декабри соли 2020 баррасӣ гардид ва барои нашр тавсия дода шуд.
Оиди ворид сохтани ҳуҷҷатҳои меъёрии таҳия ва тасдиқгардида ба барномаи автоматикунонидашудаи “Гранд-смета ва “Стройинфо”-и Федератсияи Россия, маълум менамоем, ки тартиби ворид сохтани тағйиру иловаҳо ба базаи меъёрии Ҷумҳурии Тоҷикистон, ки асоси барномаи “Гранд-смета ва “Стройинфо”-и Федератсияи Россия ба шумор меравад, муайян гардидааст ва танҳо баъди дар Вазорати адлияи Ҷумҳурии Тоҷикистон ба кайди давлатӣ гирифтан ва интишори расмии тағйиру иловаҳо ба ҳуҷҷатҳои меъёрӣ, амалӣ мегардад (семоҳаи аввали соли 2021).
Индексҳои ҷории бозҳисобкунии арзиши корҳои сохтмонӣ, таъмирӣ, васлгарӣ ва бакорандозӣ аз рӯи намудҳои унсурии хароҷот нисбати нархҳои воҳидии соли 2007 (НВ ҶТ-2009) барои семоҳаҳои 1,2,3 ва 4 таҳия гардида, тибқи тартиби муқарраргардида пешниҳоди субъектҳои соҳаи сохтмон гардонида шуд.
Ҳуҷҷати роҳбарикунандаи системаи ҳуҷҷатҳои меъёрӣ дар сохтмони Ҷумҳурии Тоҷикистон (ҲРС ҶТ 81-236-2020) «Дастури методӣ оиди таҳияи харҷномаи бетон вобаста ба таркиб, технологияи истеҳсол ва истифодабарии он» таҳия гардида, дар ҷаласаи Комиссияи байниидоравӣ оид ба нархгузории Кумита аз 2 июли соли 2020 баррасӣ ва бо Фармоиши Раиси Кумита таҳти №83 аз 23 июли соли 2020 тасдиқ гардид. Дар ин самт Корхона намунаи нархнома (калкулятсия)-и ҳисоби харҷномавии маҳлули бетонӣ дар шароити заводҳои истеҳсоли бетон бо тавоноии 30м3–ро бо назардошти арзиши миёнаи харҷномавии масолеҳҳои сохтмонӣ, мошину механизмҳо ва музди меҳнати миёнаи коргарони соҳаи сохтмон барои семоҳаи сеюми соли 2020 таҳия ва бо Хадамоти зиддиинҳисории назди Ҳукумати Ҷумҳурии Тоҷикистон мувофиқа намуда, ҳамчун мисол ба муассисаву ташкилотҳои сохтмонӣ барои истифодабарӣ пешниҳод намуд.
Ҷиҳати иҷрои талаботи бандҳои дахлдори Қарорҳои ҳайати мушовараи Кумитаи меъморӣ ва сохтмони назди Ҳукумати Ҷумҳурии Тоҷикистон аз 09 январи соли 2020, №138/2020, аз 15 апрели соли 2020, №139/2020, аз 10 июли соли 2020 таҳти №141/2020 ва аз 9 октябри соли 2020, №143/2020, аз ҷониби мутахассисони Корхона оиди мукаммалсозии меъёру қоидаҳои шаҳрсозӣ ва такмил додани системаи амалкунандаи нархгузорӣ дар соҳаи сохтмон, корҳои зерин ба анҷом расонида шуданд:
- раванди муайян намудани арзиши масолеҳҳои сохтмонӣ дар бозорҳои марказии шаҳрҳои Душанбе, Ҳисор, Хуҷанд, Кӯлоб, Хоруғ ва Бохтар дар асоси талаботи санадҳои меъёрии танзимдарорандаи соҳа амалӣ шуда, нархи масолеҳҳои сохтмонӣ ба таври объективӣ муайян карда шуда пешниҳоди субъектони соҳа гардонида шуд.
-бо мақсади дастгирии корхонаю ташкилотҳои ватании истеҳсолкунанда ва ворид намудани номгӯй ва арзиши масолеҳҳои истеҳсоли ватанӣ ба “Маҷмӯаи нархҳои миёнаи харҷномавӣ ба захираҳои асосии сохтмонӣ”, дар давраи ҳисоботӣ бо 39 корхонаю ташкилотҳои истеҳсолкунандаи масолеҳҳои сохтмонӣ ҳамкорӣ ба роҳ монда шуд. Корхона номгӯи ташкилоту ширкатҳои истеҳсолкунандаи масолеҳи сохтмониро тадриҷан дар “Маҷмӯаи нархҳои миёнаи харҷномавӣ ба захираҳои асосии сохтмонӣ” зиёд намуда, вобаста ба сиёсати давлатии вусъатбахшии истеҳсоли масолеҳи истеҳсоли ватанӣ ва воридивазкунанда, ба тарғиби масолеҳҳои сохтмонии истеҳсоли ватанӣ афзалият дода истодааст.
- оиди мукаммалсозии меъёру нархномаҳо ва такмил додани системаи амалкунандаи нархгузорӣ, Корхона дар давраи ҳисоботӣ Меъёрҳои унсурии харҷномавии ҷудогонаро (МУХҶ ҶТ 81-01-2020) барои “Корҳои хаффории шахтаи уфуқии қутраш 2500мм дар обқабулкунакҳои доимии агрегатҳои №1-6 « НБО Роғун, бо истифода аз механизми тамғаи «Raise Boring Machine» дар хокҳои гурӯҳи 7-8» ва (МУХ ҶТ 81-02-2020) барои иҷрои корҳои суфтакунӣ ва сайқалдиҳии сангҳои мармари фарш бо истифодаи дастгоҳҳои тамғаҳои «MeiSHi” ва “Meis stone» таҳия ва бамувофиқа расонида барои истифодабарӣ пешниҳод намуд. Инчунин барои иҷрои корҳои дар шароити маҳдуд ва душвор амалигардида, дар иншооти НБО Роғун (коллектори 1,2,3) дар асоси супориши Шурои нозирони ҶСК “НБО Роғун” зариби 1,3 ба меҳнатталабии меъёрӣ барои иҷрои корҳои бетонхобонӣ тавсия дода шуд. Инчунин пешниҳодоти корхонаву пажуҳишгоҳҳои ватании лоиҳакашӣ ба назар гирифта шуда, аз ҷониби мутахассисони Корхона дар Меъёрҳои унсурии харҷномавӣ ба корҳои сохтмон ва сохтмони махсус тағйиротҳои зарурӣ ворид гардиданд.
-ҷиҳати иҷрои “Барномаи давлатии мусоидат ба содирот ва воридотивазкунии Ҷумҳурии Тоҷикистон барои солҳои 2016-2020” ҳамкориҳо байни корхонаҳои истеҳсолкунандаи ватанӣ оид ба таҳкими истеҳсолоти воридотивазкунанда ва рушди содирот ба роҳ монда шудааст. Ҷиҳати баланд бардоштани қобилияти рақобатпазирии истеҳсолоти ватанӣ Корхона аз аввали соли 2020 бо мақсади нисбатан кам кардани ҳаҷми воридоти масолеҳи сохтмонии истеҳсоли хориҷӣ ба Ҷумҳурии Тоҷикистон, баланд бардоштани қобилияти рақобатпазирии истеҳсолоти ватанӣ номгӯй ва нархномаҳои семент, асфальтобетон, бетон, маҳсулоти рангуборӣ, конструксияҳои оҳану бетонӣ, лулаҳои полиэтиленӣ, хишт, қанорасанг, тахтасанг, мармар, дару тирезаҳои пластикӣ, таҷҳизоти технологӣ, аз он ҷумла: таҷхизоти технологии мактабӣ ( мизу курсӣ, тахтаи синф, ҷевон ва ғ), таҷҳизот барои толорҳои варзишӣ, ошхонаҳои мактабиро дар “Маҷмӯаи нархҳои миёнаи харҷномавӣ ба захираҳои асосии сохтмонӣ” барориши №№1, 2, 3 ва 4 соли 2020 ҷойгир намуд.
Дар соли 2020 4 маротиба ҷаласаҳои Комиссияи байниидоравӣ оид ба нархгузорӣ дар соҳаи сохтмон санаи 18 март, 02 июл, 25 сентябр ва 25 декабри соли равон гузаронида шуд ва 16 масъалаҳои зерин дида баромада шуданд:
1. Баррасии арзиши соати кории коргарон-сохтмончиён барои семоҳаи дуюми соли 2020.
2. Баррасии масъалаи ворид намудани иловаҳо ба ҳуҷҷати “Таснифгари (классификатор)” масолеҳҳои сохтмонӣ.
3. Баррасии лоиҳаи меъёри унсурии харҷномавии ҷудогона барои “Корҳои хаффории шахтаи уфуқии қутраш 2500мм дар обқабулкунакҳои доимии агрегатҳои №1-6 « НБО Роғун, бо истифода аз механизми тамғаи «Raise Boring Machine» дар хокҳои гурӯҳи 7-8»
4. Баррасии масъалаи мавриди истифода қарор додани рамзгузории нави захираҳои сохтмон, истифодаи мошину механизмҳо ва масолеҳҳои сохтмонӣ дар меъёрҳои унсурии харҷномавӣ (МУХ ҶТ-2007) ва нархҳои воҳидӣ (НВ ҶТ-2009)
5. Баррасии арзиши соати кории коргарон-сохтмончиён барои семоҳаи сеюми соли 2020.
6. Баррасии лоиҳаи ҳуҷҷати «Дастури методӣ оиди таҳияи харҷномаи бетон вобаста ба таркиб, технологияи истеҳсол ва истифодабарии он».
7. Баррасии лоиҳаи ҳуҷҷати “Тартиби ташаккул ва ҷорӣ намудани феҳристи ҷумҳуриявии меъёрҳои харҷномавӣ”.
8. Баррасии арзиши соати кории коргарон-сохтмончиён барои семоҳаи чоруми соли 2020.
9. Баррасии Маълумотномаи “Нишондиҳандаҳои нисбии арзиши харҷномавии бино ва иншооти ҳаммонанд”.
10. Баррасии лоиҳаи “Маҷмӯаи нархҳои базавӣ барои ҷустуҷӯиҳои муҳандисию геологӣ ва муҳандисию экологӣ дар сохтмон (МНБмг-2019)”.
11. Баррасии лоиҳаи “Маҷмӯаи нархҳои базавӣ барои муоинаи ҳолати техникии бино ва иншоот (МНБм-2019)”.
12. Баррасии барномаи компютерӣ барои тартибдиҳии харҷнома ба корҳои лоиҳакашӣ ва ҷустуҷӯӣ (КЛҶ) дар сохтмон (дар асоси меъёрҳои базавии Ҷумҳурии Тоҷикистон) “БК Харҷнома-КЛҶ. ҶТ”.
13. Баррасии арзиши соати кории коргарон-сохтмончиён барои семоҳаи якуми соли 2021.
14. “Тағйиру иловаҳо ба ҳуҷҷати меъёрии “Меъёрҳои унсурии харҷномавӣ ба корҳои сохтмон ва сохтмони махсус” (МУХ ҶТ-2007), (барориши 3)
15. Баррасии такрории Маълумотномаи “Нишондиҳандаҳои нисбии арзиши харҷномавии бино ва иншооти ҳаммонанд”.
16. Баррасии масъалаи истифодаи ҳуҷҷати “Базовые цены на работы по ремонту энергетического оборудования, адекватные условиям функционирования конкурентного рынка услуг по ремонту и техперевооружению. Часть 4 Базовые цены на работы по ремонту гидравлических турбин и гидрогенераторов” барои нархгузории иҷрои корҳои таъмири таҷҳизотҳо дар иншооти НБО Роғун.
Ҷиҳати дастгирӣ аз сиёсати иҷтимоии Ҳукумати Ҷумҳурии Тоҷикистон ва иҷрои фармоиши Раиси Кумита дар арафаи ҷашнҳои Соли нави мелодӣ, Рӯзи артиши миллӣ, Рӯзи модарон, Наврӯзи байналмиллалӣ, Иди Қурбон, Иди касбии сохтмончиён ва Рӯзи Истиқлолияти давлатӣ ба кормандони Корхона ва Муассисаи таҳсилоти томактабии ширхоҳгоҳ-кӯдакистони №26 кӯдакони имконияташон маҳдуд ва ношунавои шаҳри Хуҷанд кӯмакҳои моддию молиявӣ расонида шуд.
Дар давраи ҳисоботӣ Шартномаи коллективии Корхона аз нав барои солҳои 2021-2023 таҳия гардида, дар шуъбаи Агентии меҳнат ва шуғли аҳолии ноҳияи Шоҳмансур таҳти №64 аз 22 декабри соли 2020 ба қайд гирифта шуд. Инчунин хароҷотҳои борхатии Корхона бо Хадамоти зиддиинҳисории назди Ҳукумати Ҷумҳурии Тоҷикистон дар ҳаҷми 158% ба мувофиқа расонида шуданд.
- бо мақсади иҷрои Фармони Президенти Ҷумҳурии Тоҷикистон аз 2 январи соли 2019, №1170 Дар бораи «Солҳои рушди деҳот, сайёҳӣ ва ҳунарҳои мардумӣ эълон намудани солҳои 2019-2021» ва омодагӣ ба 30-солагии Истиқлолияти давлатии Ҷумҳурии Тоҷикистон ҷиҳати дар сатҳи баланд ба анҷом расонидани корҳои созандагиву ободонӣ дар деҳот, аз ҳисоби даромади Корхона сохтмони иншоотҳои ҳоҷатхона, ҳаммом (душевая) ва анборхонаро барои 32 хоҷагӣ дар кӯчаи Сомониёни шаҳраки А.Ҷомии ноҳияи А.Ҷомӣ ба анҷом расонида, барои истифодабарӣ супорид. Инчунин корҳои ободонии атрофи бинои маъмурӣ ва назди Муассисаи давлатии кӯдакони душвортарбия ҳар ҳафта ташкил карда шуда истодааст.
-оиди татбиқи низоми нави рамзкунонии масолеҳ ва мошину механизмҳои сохтмонӣ, корҳои фаҳмондадиҳӣ роҳандозӣ гардид ва ин яке аз мавзуҳои баррасидашудаи семинари машваратӣ-омӯзишӣ, ки санаи 26-27 октябри соли равон дар шаҳри Душанбе бо иштироки 45 нафар мутахассисон (намояндагони 30 корхона ва ташкилотҳо) гузаронида шуда буд, мебошад. Инчунин дар рафти семинар омӯзиш дар мавзуи корбарии барномаи Гранд-Смета гузаронида шуд ва ба иштироккунандагон сертификатҳо тақдим гардиданд.
- оиди муккамалсозии меъёру нархномаҳо ва такмил додани системаи амалкунандаи нархгузорӣ, Корхона 2 адад Меъёрҳои унсурии харҷномавии ҷудогонаро таҳия ва бамувофиқа расонида дар асоси пешниҳодоти корхонаву пажуҳишгоҳҳои ватании лоиҳакашӣ дар Меъёрҳои унсурии харҷномавӣ ба корҳои сохтмон ва сохтмони махсус тағйиротҳои заруриро ворид намуд. Соли 2020 вобаста ба амалигардонии маъракаи обунашавӣ барои соли 2021, ба 13 маҷаллаву рузномаҳои соҳавӣ ва ҷумҳуриявӣ обуна шуд.
Корхона соли 2020 ҷиҳати ҳалли масъалаҳои нархгузорӣ ва меъёргузории харҷномавии сохтмони иншооти стратегии НБО-и “Роғун” ба зиёда аз 50 муроҷиатҳои расмӣ ҷавобҳои саривақтӣ ирсол намуд. Инчунин супоришҳои Шӯрои нозирони ҶСК “НБО Роғун” ва Ситоди ҷумҳуриявӣ оид ба истифода супоридани иқтидорҳои НБО-и Роғун саривақт ҳаллу фасл гардида, масъалаҳои пайдогардидаи нархгузорӣ баррасӣ гардиданд.
Инчунин дар асоси ҳуҷҷатҳои “Таснифгари (классификатор) масолеҳҳои сохтмонӣ” ва “Таснифгари (классификатор) мошину механизмҳои сохтмонӣ” ворид намудани рамзҳои нави масолеҳ ва мошину механизмҳои сохтмонӣ ба Маҷмӯаҳои “Меъёрҳои унсурии харҷномавӣ (МУХ ҶТ-2007)” ва “Нархҳои воҳидӣ (НВ ҶТ-2009)” ба итмон расонида шуданд. Барои ворид намудани рамзгузориҳои нав ба барномаи автоматикунонидашуда, мутахассисони ширкати Гранд-сметаи Федератсияи Руссия ҷалб гардидаанд, ки ҳамзамон тағйиротҳоро оиди иваз кардани рамзҳо ба маҷмӯаҳо ворид гардиданд.
Айни замон самти асосии фаъолияти мутахассисони Корхона ба мукаммалсозии низоми нархгузорӣ ва меъёргузории харҷномавии амалкунанда равона шуда, оид ба усулҳои боэътимод муайян намудани арзиши харҷномавии сохтмони бино ва иншоотҳо корбарӣ идома дорад.

Суроғаи Корхона: 734025 шаҳри Душанбе,
хиёбони Ш. Ҳусейнзода 34,
бинои ҶСК «Шаҳрофар» ошёнаи 3- юм.
Телефонҳо барои тамос: 227-35-61; 227-35-56; 227-35-39
Сомонаи интернетӣ: Email - ssco.tj2010@mail.ru







Назарсанҷи

Ба фаъолияти Раёсати экспертизаи давлатии ғайриидоравии ҳуҷҷатҳои лоиҳавии шаҳрсозӣ ва Корхонаи воҳиди давлатии «Ташхисгар» чӣ гуна баҳогузорӣ мекунед?

 

Суроға:

734025, ш. Душанбе, кўчаи проф. Ш. Ҳусейнзода 36,

Тел: +992 (37) 221-88-53
+992 (37) 221-88-33

Факс: +992 (37) 223-02-00,

Е-mail: info@tajsohtmon.tj

Обу ҳаво