24 январ 2022, душанбе

Тоҷикӣ   Русский   English Специальная версия

Ифтитоҳи бинои маъмурии Мақомоти иҷроияи ҳокимияти давлатии ноҳияи Ванҷ

545
11 сентябри соли 2018 Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба фаъолияти бинои нави маъмурии Мақомоти иҷроияи ҳокимияти давлатии ноҳияи Ванҷ оғози расмӣ бахшиданд.

Бинои нав аз 3 ошёна иборат буда, бо тарҳи зебою замонавӣ дар масоҳати 2033 метри мураббаъ қомат афрохтааст ва дорои 52 ҳуҷраи корӣ мебошад.

Пешвои миллат муҳтарам Эмомалӣ Раҳмон зимни боздид аз ҳуҷраҳои корӣ ба сифати корҳои сохтмонӣ баҳои баланд дода, барои боз ҳам беҳтар намудани фаъолияту хизматрасонӣ ба сокинон ва кормандони мақомот дастуру ҳидоятҳои мушаххас доданд.

Тавре иттилоъ дода шуд, корҳои сохтмонӣ дар бинои нави маъмурии Мақомоти иҷроияи ҳокимияти давлатии ноҳияи Ванҷ ҳанӯз соли 2016 оғоз гардида буд ва бинокорону муҳандисони маҳаллӣ тавонистанд, ки дар давоми ду сол ин иншоотро бо сифати баланди меъморӣ ва ҷавобгӯ ба талаботи муосир мавриди баҳрабардорӣ қарор диҳанд.

Дар ошёнаи 1-уми бинои маъмурии Мақомоти иҷроияи ҳокимияти давлатии ноҳияи Ванҷ маҷлисгоҳ бо 240 ҷойи нишаст, утоқҳои кории бахши занон ва оила, бахши дин, танзими анъана ва ҷашну маросимҳои миллӣ, шуъбаи умумӣ, назорат ва муроҷиати шаҳрвандон, ҳуҷраҳои техникӣ ва бойгонӣ ҷойгир карда шудаанд. Дар ошёнаи 2-юм ва 3-юми бино утоқҳои кории бахши сармоягузорӣ, муҳосиб, хазинадор ва толори хурди маҷлисӣ бо 48 ҷойи нишаст бунёд гардидаанд.

Бинои нави маъмурии Мақомоти иҷроияи ҳокимияти давлатии ноҳияи Ванҷ, ки бо дастуру ҳидоятҳои бевоситаи Пешвои муаззами миллат муҳтарам Эмомалӣ Раҳмон сохта шудааст, дорои имконоти муосири кору фаъолият мебошад ва дар иншоот барои таъмини гармӣ дар фасли сармо дегхона бо ду адад деги иқтидораш 100 кВт ва анбори нигоҳдории ангишт низ бунёд шудаанд. Ҳамчунин барои нигаҳдории воситаҳои нақлиёти хизматӣ мошинсарой ва истгоҳ сохта шудаанд.

Пешвои миллат муҳтарам Эмомалӣ Раҳмон пас аз шиносоии пурра бо шароити муҳайёгардида дар бинои нави маъмурии Мақомоти иҷроияи ҳокимияти давлатии ноҳияи Ванҷ бори дигар кулли кормандонро бо 27-умин солгарди Истиқлолияти давлатии Ҷумҳурии Тоҷикистон табрик намуда, аз онҳо иҷрои масъулиятҳои бардӯшдошта, ҳифзи дастовардҳои даврони соҳибистиқлолии кишвар ва садоқат ба давлату миллатро тақозо карданд.




Назарсанҷи

Ба фаъолияти Раёсати экспертизаи давлатии ғайриидоравии ҳуҷҷатҳои лоиҳавии шаҳрсозӣ ва Корхонаи воҳиди давлатии «Ташхисгар» чӣ гуна баҳогузорӣ мекунед?

 

Суроға:

734025, ш. Душанбе, кўчаи проф. Ш. Ҳусейнзода 36,

Тел: +992 (37) 221-88-53
+992 (37) 221-88-33

Факс: +992 (37) 223-02-00,

Е-mail: info@tajsohtmon.tj

Обу ҳаво