Главная > Навидҳо > Мулоқоти Сарвазири Тоҷикистон Қоҳир Расулзода бо муовини Сарвазири Муғулистон Улзийсахан Энхтувшин
Мулоқоти Сарвазири Тоҷикистон Қоҳир Расулзода бо муовини Сарвазири Муғулистон Улзийсахан Энхтувшин11-10-2018, 17:18. |
|
Имрӯз Сарвазири мамлакат Қоҳир Расулзода бо муовини Сарвазири Муғулистон Улзийсахан Энхтувшин, ки барои иштирок дар кори ҷаласаи навбатии Шӯрои Сарони Ҳукуматҳо-Сарвазирони давлатҳои аъзои Созмони Ҳамкории Шанхай ба Душанбе ташриф овардааст, мулоқот намуд. Тавре таъкид гардид, дар Тоҷикистон ба рушду густариши ҳамкориҳои дуҷониба ва бисёрҷониба бо Муғулистон, аз ҷумла дар доираи Созмони Ҳамкории Шанхай таваҷҷуҳи зиёд зоҳир карда мешавад. Ҷонибҳо зимни суҳбат барои таҳкими ҳамкориҳои байниҳукуматии Тоҷикистон ва Муғулистон дар соҳаҳои иқтисоду тиҷорат, кишоварзӣ, гидроэнергетика, маориф, фарҳанг ва туризм изҳори омодагӣ намуданд. Хотиррасон мешавем, ки дар кори ҷаласаи навбатии Шӯрои Сарони Ҳукуматҳо-Сарвазирони давлатҳои аъзои Созмони Ҳамкории Шанхай ҳайати расмии Муғулистон ҳамчун намояндагони кишвари нозир дар Созмони Ҳамкории Шанхай иштирок менамоянд. Вернуться назад |