Палатаи савдо ва саноати Ҷумҳурии Тоҷикистон бо мақсади рушди минбаъдаи соҳаҳои афзалиятноки ҷумҳурӣ, ҷалби сармояи хориҷӣ 11-уми ноябри соли равон дар бинои Вазорати рушди иқтисод ва савдои Ҷумҳурии Тоҷикистон Семинари байналмиллалӣ оид ба сармоягузории иқтисодӣ- «Ганҷи Роҳи абрешим»-ро доир менамояд.
Тавре аз Палатаи савдо ва саноати Ҷумҳурии Тоҷикистон ба хабарнигори АМИТ «Ховар» хабар доданд, ҳадаф аз гузаронидани семинар- ин рушди минбаъдаи соҳаҳои афзалиятноки ҷумҳурӣ, ҷалби сармояи хориҷӣ, ташкили корхонаҳои истеҳсолии муштарак, пайдо намудани ҷойҳои нави корӣ, пайдо намудани шарикони ҳамкор ва таҳкими робитаҳои тиҷоратию иқтисодии доираҳои соҳибкорони ватанӣ ва хориҷӣ, воридоти таҷҳизоту технологияҳои муосири соҳавӣ ва ҳамкорӣ оид ба баланд бардоштани иқтидори содиротии кишвар мебошад.