Дар соли 2015 ба 192 субъекти хоҷагидор оид ба ҷалби қувваи кории хориҷӣ, мутахассисони баландихтисоси хориҷӣ дар ҳудуди Ҷумҳурии Тоҷикистон иҷозатнома ва ба 10 ҳазору 218 шаҳрванди хориҷӣ барои фаъолияти меҳнатӣ иҷозат дода шудааст. Аз ин ҳисоб 13 миллиону 888 ҳазору 960 сомонӣ маблағ ворид шудааст, ки аз ин ҳисоб 11 миллиону 111 ҳазору 168 сомонӣ ба буҷаи ҷумҳуриявӣ ва 2 миллиону 777 ҳазору 792 сомонӣ ба суратҳисоби махсуси Хадамоти муҳоҷират ворид гардида, барои бо кор таъмин гаштани 40 ҳазору 848 шаҳрванди Ҷумҳурии Тоҷикистон мусоидат намудааст.
Аз 10 ҳазору 218 шаҳрванди хориҷии иҷозати кор гирифта, 9991 нафар аз хориҷи дур, 227 нафар шаҳрванди давлатҳои аъзои ИДМ мебошанд, аз ҷумла дар шаҳри Душанбе ва ноҳияҳои тобеи ҷумҳурӣ 8244 нафар, дар вилояти Суғд 1443 нафар, дар вилояти Хатлон 495 нафар ва дар ВМКБ — 36 нафар.