-Бахши ҷавонон, варзиш ва саёҳии ноҳияи Файзобод ба хотири пешгирии ҷинояткорӣ ва шомил нагардидани ҷавонон ба ҳизбу ҳаракатҳои дорои хусусияти терористию экстремистӣ мусобиқаи минтақавию ноҳиявии футболро баргузор намуд, ки дар он 24 даста аз ноҳияи Файзобод ва шаҳри Ваҳдат иштирок намуданд.
Мусобиқаи мазкур аз 13 ноябри соли 2015 оғоз гардида, 3 декабри соли 2015 анҷом ёфт, ки дар натиҷа дастаи «Хуҷамард»-и ҷамоати деҳоти Ҷавонони ноҳияи Файзобод сазовори ҷойи якум дониста шуд ва соҳиби Шоҳҷоиза, ифтихорнома, медал ва туҳфаҳои пулию мошини ВАЗ 21 - 07 гардид. Инчунин дастаҳои Қанғелӣ ва шаҳраки Файзобод, ки сазовори ҷойи дуюм ва сеюм гардиданд, бо туҳфаҳои пулӣ ва ифтихорномаю медалҳо қадрдонӣ шуданд.