Баҳри омодагии саривақтӣ ба фасли сармо ва дар ин замина захира намудани маводи зарурӣ роҳбарияти Муассисаи нигоҳдории давлатии роҳҳои мошингарди шаҳри Хучанд тадбирҳои зарурӣ андешида истодаанд.
То 20 ноябр аз ҷониби коргарони муассиса беш аз 55 км роҳҳои ҳудуди шаҳр таъмиру қирпӯш шуданд, ки ин нишондод аз нақша зиёд буда, кормандони муассиса азм доранд бо истифода аз боду ҳавои мусоид таъмири чанд кӯчаи дигари шаҳрро ба анҷом расонанд.
Ҳамчунин барои зимистонгузаронӣ аз ҷониби коргоҳ 300 тонна маводи зиддилағжиш, аз ҷумла 200 куб қум ва 30 тонна намак захира шуда, барои беш аз 50 нафар коргарон низ либосхои зимистона харид шудааст ва 10 техникаи зарурӣ аз таъмир бароварда шуда, омодаи кор аст.