Имрӯз дар Душанбе ҳамоиши (бизнес-форуми) доираи соҳибкорони Ҷумҳурии Тоҷикистону вилояти Циндаои Ҷумҳурии Чин баргузор мегардад.

Тавре аз Палатаи савдо ва саноати Ҷумҳурии Тоҷикистон хабар доданд, ҳамоиш соати 14:00 дар меҳмонхонаи «Шератон» оғоз мешавад.

Ба иттилои манбаъ, мақсад аз баргузор намудани ҳамоиши мазкур- ин рушди минбаъда ва таҳкими муносибатҳои тиҷоратию иқтисодӣ, ҷалби сармоя ба соҳаҳои афзалиятноки Ҷумҳурии Тоҷикистон, ташкили корхонаҳои истеҳсолии муштарак, пайдо намудани ҷойҳои нави корӣ ва шарикони ҳамкор, дарёфти самтҳои нави корӣ ва таҳкими робитаҳои соҳибкорони ватанӣ бо хориҷӣ мебошад.