26 май 2019, якшанбе

Тоҷикӣ   Русский   English

Бахшида ба Рӯзи энергетика дар Неругоҳи барқи обии «Норак» ҷамъомади тантанавӣ доир гардид

159
Бахшида ба Рӯзи энергетикаи тоҷик, ки ҳамасола 22 декабр таҷлил мешавад, дар толори Неругоҳи барқи обии «Норак» ба номи Т. Ӯлҷабоев ҷамъомади тантанавӣ доир гардид.

Дар ҷамъомад раиси шаҳри Норак Фатҳулло Ҳурматзода, муовини якуми раиси Ширкати саҳомии холдингии кушодаи «Барқи Тоҷик» Маҳмадумар Асозода, нозири техникии Кумитаи ҷумҳуриявии Иттифоқи касабаи кормандони энергетикаи Тоҷикистон Гулмурод Холмуродов ва директори НБО- и «Бойғозӣ» Рустам Зоғаков иштирок намуданд.

Зикр гардид, ки соҳаи энергетика таҳкурсии асосии мустаҳкамии иқтидори иқтисодии давлат буда, аз муҳимтарин самтҳои сиёсати стратегӣ ва калиди ҳалли мушкилоти иқтисодиву иҷтимоии кишвар ба ҳисоб меравад. Ҷумҳурии мо аз оғози Истиқлолияти давлатии худ расидан ба истиқлолияти энергетикӣ ва истифодаи самарабахши неруи барқро ҳамчун яке аз ҳадафҳои стратегии давлат эълон намудааст.

Дар ҷамъомад 27 нафар фаъолони НБО-ҳои «Норак»-у «Бойғозӣ» ва шабакаҳои барқӣ бо ифтихорномаи мақомоти иҷроия ва Кумитаи иҷроияи ҲХДТ дар шаҳри Норак сарфароз гардонида шуда, зиёда аз 30 нафар ҷавонон, фаъолон ва собиқадорони соҳа бо туҳфаҳои моливу пулӣ қадрдонӣ гардиданд.

Ҳамчунин ҷиҳати рушди сайёҳии дохилӣ ва дар рӯҳияи меҳнатдӯстию ифтихори миллӣ тарбия намудани насли наврас, дар ин рӯз саёҳати хонандагони болаёқати муассисаҳои таълимӣ, гирандагони стипендияи Президентӣ аз НБО-и «Норак» сурат гирифт. Зимни боздид хонандагон роҷеъ ба таърихи сохтмон маълумот гирифта, аз коргоҳи мошинҳо дидан намуданд.








Назарсанҷи

Оё тартиби кори комиссияи Хадамоти иҷозатномадиҳӣ ба шумо писанд аст?

 

Суроға:

734025, ш. Душанбе, кўчаи проф. Ш. Ҳусейнзода 36,

Тел: +992 (37) 221-88-53
+992 (37) 221-88-33

Факс: +992 (37) 223-02-00,

Е-mail: info@tajsohtmon.tj

Обу ҳаво