25 сентябр 2018, сешанбе

Тоҷикӣ   Русский   English

Корхонаи воҳиди давлатии «Маркази нархгузорӣ дар соҳаи сохтмон»

1738
Корхонаи воҳиди давлатии «Маркази нархгузорӣ дар соҳаи сохтмон»

Каримзода Абдураҳмон Раҳим
Директори Корхонаи воҳиди давлатии
«Маркази нархгузорӣ дар соҳаи сохтмон»

Корхонаи воҳиди давлатии «Маркази нархгузорӣ дар соҳаи сохтмон» бо қарори Ҳукумати Ҷумҳурии Тоҷикистон аз 1 октябри соли 2009, №554 таъсис ёфта, фаъолияти худро дар асоси хоҷагидорӣ амалӣ менамояд. Муассиси корхона Кумитаи меъморӣ ва сохтмони назди Ҳукумати Ҷумҳурии Тоҷикистон мебошад.
Корхона аз шӯъбаи мониторинги нархҳои маҳсулотҳои сохтмонӣ, технологияҳои информатсионӣ ва таъминоти барномавӣ, шӯъбаи маркетинг, бахши умумӣ ва кадрҳо, бахши ташхисию-таҳлилӣ, бахши технологияҳои информатсионӣ дар сохтмон ва татбиқи меъёрҳои нави харҷномавӣ, бахши методологӣ барномаҳои таълимӣ дар соҳаи нархгузорӣ ва бахши молия ва хоҷагидорӣ иборат аст.

Фаъолияти Корхона самтҳои зеринро дар бар мегирад:

- мусоидат намудан ба татбиқи сиёсати давлатии нархгузорӣ дар соҳаи сохтмони Ҷумҳурии Тоҷикистон;
- мукаммалсозии системаи нархгузорӣ ба харҷномаи низоми сохтмон, таҳияи меъёрҳои хароҷот ва нархҳои ягонаи шаклҳои нави сохтмон, таҷдидкунӣ, таъмиру васлкунӣ ва танзиму бакорандозии таҷҳизот ҷавобгӯи муносибатҳои бозоргонӣ;
- ташкили системаи меъёрҳои хароҷотӣ барои муайянсозии арзиши сохтмон ва таъмири асосӣ;
- мониторинг ва таҳлили нарх барои масолеҳи сохтмонӣ;
Вобаста ба самтҳои асосии фаъолият Корхона тибқи тартиби муқаррарнамудаи қонунгузории Ҷумҳурии Тоҷикистон фаъолиятҳои зеринро амалӣ менамояд:
- таҳлили ҷанбаҳои нархгузоришавандаро дар сохтмон, ҳолати бозори сохтмонро дар маҷмӯъ, минтақаҳо, шаҳрҳои алоҳида ва ҳудудҳо, арзиши масолеҳ, маснуот ва конструксияҳои сохтмонӣ, иншоотҳои омодашуда ва элементҳои онҳоро мегузаронад;
- оид ба масъалаҳои арзиши масолеҳи сохтмонӣ шарҳҳо медиҳад;
- маҷмӯаҳои минтақавӣ ва махсусгаронидашударо оид ба нархгузорӣ дар сохтмон баррасӣ ва таҳия менамояд;
- паҳнкунии таҷрибаи муосир ва маълумотҳои нави ҳуҷҷатҳои меъёриву методиро дар соҳаи нархгузорӣ дар сохтмон ташкил менамояд;
- оид ба татбиқи меъёр, қоида ва ҳуҷҷатҳо методӣ оид ба нархгузории соҳаи сохтмон шарҳ ва маслиҳатҳо медиҳад;
- бақайдгирии ҳарсемоҳагии (ҳармоҳаи) сатҳи воқеии нархҳои ҷории масолеҳ, маснуот ва конструксияҳои сохтмониро корхонаҳои истеҳсолкунандаи масолеҳи сохтмонӣ, конструксияҳо, таҷҳизотҳо, пудратчиёни биржаҳои минтақавӣ, мақомоти омор ва дигар ташкилотҳо мегузаронад;
- махзани иттилоотии маълумотҳоро, ки ҳуҷҷатҳои дастуриро оид ба нархгузорӣ дар сохтмон дар бар мегиранд, ташкил медиҳад;
- меъёрҳои хароҷоти компютеризатсиякунонидашударо барои муайян намудани арзиши сохтмони иншоотҳо ташкил мекунад;
- тадқиқотҳои маркетингӣ мегузаронад, хизматрасониҳои амалиро оид ба пешбурди таҳиясозӣ дар самти нархгузорӣ дар соҳаи сохтмон анҷом медиҳад;
- фаъолияти рекламавӣ-нашриётиро ба манфияти корхона анҷом медиҳад;
- таҳлили ҳуҷҷатҳои харҷномавии лоиҳаҳои сохтмон, модернизатсия, азнавсозӣ, сохтмони асосии бинову иншоотҳоро таҳия менамояд;
- таҳсил, баланд бардоштани ихтисос ва аттестасияи кормандони корхонаро таъмин менамояд.
Корхона барои субъектҳои соҳаи сохтмон санадҳои меъёрию ҳуқуқиро таҳия менамояд. Аз ҷумла:
- ҳуҷҷатҳои роҳбарикунандаи системаи ҳуҷҷатҳои меъёрӣ дар сохтмон (ҲРС);
- меъёрҳои унсурии харҷномавӣ барои корҳои сохтмонӣ (МУХ ҶТ –2007);
- меъёрҳои унсурии харҷномавӣ барои васлкунии таҷҳизот (МУХв ҶТ–2011);
- меъёрҳои унсурии харҷномавӣ барои таъмири асосии таҷҳизот
(МУХвт ҶТ–2011);
- меъёрҳои унсурии харҷномавӣ барои корҳои бакорандозӣ
(МУХк ҶТ–2011);
- меъёрҳои унсурии харҷномавӣ барои корҳои таъмиру сохтмонӣ
(МУХт ҶТ–2005);
- меъёрҳои унсурии харҷномавӣ барои корҳои таъмиру–таҷдиди
иншооти мероси фарҳангӣ (МУХтт ҶТ–2013);
- нархҳои воҳидӣ барои корҳои сохтмонӣ ва сохтмони махсус
(НВ ҶТ–2009);
- нархҳои воҳидӣ барои васлкунии таҷҳизот (НВв ҶТ–2009);
- нархҳои воҳидӣ барои таъмири асосии таҷҳизот (НВвт ҶТ–2009);
- нархҳои воҳидӣ барои корҳои бакорандозӣ (НВк ҶТ–2009);
- нархҳои воҳидӣ барои корҳои таъмиру сохтмонӣ (НВт ҶТ–2009);
- меъёрҳои харҷномавии ҷудогона (МХҶ);
- маҷмӯаи нархҳои асосӣ барои корҳои лоиҳакашӣ дар сохтмон.

Суроғаи Корхона: 734025 шаҳри Душанбе, хиёбони Ш. Ҳусейнзода 34,
бинои ҶСШК «Шаҳрофар» ошёнаи 3- юм.
Директори Корхона: Каримзода А.Р.
Телефонҳо барои тамос: 227-35-61; 227-35-56; 227-35-39
Сомонаи интернетӣ: Email: ssco.tj2010@mail.ru



Гузориш дар бораи корҳои баанҷомрасонидаи Корхона дар соли 2017

Корхонаи воҳиди давлатии «Маркази нархгузорӣ дар соҳаи сохтмон» фаъолияташро тибқи талаботи Кодекси шаҳрсозии Ҷумҳурии Тоҷикистон, қарорҳои Ҳукумати Ҷумҳурии Тоҷикистон, ҳайати мушовараи Кумитаи меъморӣ ва сохтмони назди Ҳукумати Ҷумҳурии Тоҷикистон, Қоидаҳои нархгузории корҳои сохтмонӣ, дастуру супоришҳои роҳбарияти Кумита ва Оинномаи Корхона ба роҳ монда, баҳри дар амал татбиқ намудани низоми нархгузории соҳаи сохтмон корҳои муайянро ба анҷом расонидааст.
Соли 2017 дар асоси талаботи «Низомнома оид ба гузаронидани мониторинги доимии нархҳои хизматрасониҳо, ҳисобкунии индекси нархҳо ва масолеҳҳои сохтмонӣ дар миқёси Ҷумҳурии Тоҷикистон», ки бо фармоиши Агентии сохтмон ва меъмории назди Ҳукумати Ҷумҳурии Тоҷикистон №91/ф аз 10 декабри соли 2012 тасдиқ гардидааст, мониторинги нархҳои масолеҳи сохтмониро гузаронида, «Маҷмӯаи ҳарсемоҳаи нархҳои миёнаи харҷномавӣ ба захираҳои асосии сохтмонӣ»-ро барои семоҳаи якум, дуюм, сеюм ва чорум таҳия намуда, дастраси субъектҳои соҳаи сохтмон Ҷумҳурии Тоҷикистон гардонид.
Ҳамзамон, дар якҷоягӣ бо намояндагони минтақавӣ мониторинги арзиши масолеҳи сохтмониро дар бозорҳои марказии шаҳрҳои Душанбе, Кӯлоб, Қурғонтеппа, Хуҷанд ва Хоруғ гузаронида, «Ахборотномаи ҳарсемоҳаи нархгузорӣ дар сохтмон»-ро барои семоҳаи якум, дуюм, сеюм ва чорум таҳия намуд.
Оғоз аз аввали соли 2017 «Маҷмӯаи ҳарсемоҳаи нархҳои миёнаи харҷномавӣ ба захираҳои асосии сохтмонӣ»-ро бо забони давлатӣ тарҷума ва таҳия намуда, дар баробари забони русӣ пешниҳоди субъектони соҳаи сохтмон гардонид.
Бо мақсади дастгирии корхонаву ташкилотҳои истеҳсолии ватанӣ барои ба «Маҷмӯаи ҳарсемоҳаи нархҳои миёнаи харҷномавӣ ба захираҳои асосии масолеҳи сохтмонӣ» ворид намудани маводҳои истеҳсоли ватанӣ дар соли 2017 бо 29 ташкилоту ширкатҳои истеҳсолкунандаи масолеҳи сохтмонии ватанӣ шартномаҳои ҳамкорӣ ба имзо расонида, номгӯй ва арзиши масолеҳи сохтмонии истеҳсолнамудаи онҳо дар байни фармоишгарон, пудратчиён, пажӯҳишгоҳҳои лоиҳакашӣ ва дигар субъектҳои хоҷагии Ҷумҳурии Тоҷикистон муаррифӣ карда мешавад. Корхона номгӯи ташкилоту ширкатҳои ватании истеҳсолкунандаи масолеҳи сохтмониро дар Маҷмӯаи нархномаҳо зиёд намуда, вобаста ба сиёсати давлатии вусъатбахшии истеҳсоли масолеҳи истеҳсоли ватанӣ ва воридотивазкунанда ба тарғиби масолеҳи сохтмонии истеҳсоли ватанӣ афзалият дода истодааст.
Дар давоми сол тибқи нақшаи корӣ, вобаста ба талаботи қонун Ҷумҳурии Тоҷикистон “Дар бораи забони далатӣ” 16 адад маҷмӯаи Меъёру қоидаҳои шаҳрсозии Ҷумҳурии Тоҷикистон “Меъёрҳои унусурии харҷномавӣ ба корҳои сохтмонӣ (МУХ ҶТ - 2007)” бо забони давлатӣ тарҷума гардида, бо фармоиши Раиси Кумитаи меъморӣ ва сохтмони назди Ҳукумати Ҷумҳурии Тоҷикистон №90/ф аз 26 сентябри соли 2017 тасдиқ ва дар Вазорати адлияи Ҷумҳурии Тоҷикистон таҳти №514 “а” аз 22 ноябри соли 2017 ба қайди давлатӣ гирифта шуданд.
Ҳамзамон Меъёру қоидаҳои шаҳрсозии Ҷумҳурии Тоҷикистон (МҚШ 81-01-2007) “Меъёрҳои унусурии харҷномавӣ ба корҳои сохтмон (МУХ ҶТ - 2007) “Тағйиру иловаҳо ба Меъёрҳои унусурии харҷномавӣ ба корҳои сохтмон” ва Меъёру қоидаҳои шаҳрсозии Ҷумҳурии Тоҷикистон “Маҷмӯаи меъёр ва нархномаҳои харҷномавӣ барои истифодабарии мошин ва механизмҳои сохтмонӣ” омода гардида, бо фармоиши Раиси Кумитаи меъморӣ ва сохтмони назди Ҳукумати Ҷумҳурии Тоҷикистон №97/ф аз 30 декабри соли 2016 тасдиқ гардида, дар Вазорати адлияи Ҷумҳурии Тоҷикистон таҳти №895 аз 26 июли соли 2017 ба қайди давлатӣ гирифта шуданд.
Ҳуҷҷати меъёрии “Нархҳои воҳидии ҷумҳуриявӣ барои корҳои сохтмон (НВ ҶТ-2009)” Маҷмӯаи №15 “Корҳои пардоз (илова ва тағйиротҳо)” таҳия ва ба забони давлатӣ тарҷума гардида, дар комиссияи байниидоравии нархгузорӣ 29 июни соли ҷорӣ баррасӣ ва бо фармоиши Раиси Кумитаи меъморӣ ва сохтмони назди Ҳукумати Ҷумҳурии Тоҷикистон №89/ф аз 26 сентябри соли 2017 тасдиқ гардида, дар Вазорати адлияи Ҷумҳурии Тоҷикистон таҳти №904 аз 11 октябри соли 2017 ба қайди давлатӣ гирифта шуд.
Инчунин “Низомнома оид ба гузаронидани мониторинги нархҳои ҷории захираҳои моддӣ дар сохтмон” таҳия ва бо Фармоиши Раиси Кумита аз 10 октябри соли 2017, №98/ф ва “Дастурамали методӣ барои таҳия намудани таснифгар (классификатор) ва додани рамзҳо ба масолеҳи сохтмонӣ” таҳия ва бо фармоиши Раиси Кумита аз 10 октябри соли 2017, №97/ф тасдиқ гардиданд.
Қайд кардан ба маврид аст, ки дар давраи ҳисоботӣ Корхона ҳуҷҷати «Қоидаҳои нархгузории корҳои сохтмонӣ»-ро таҳия ва ба мувофиқа расонид, ки он бо қарори Ҳукумати Ҷумҳурии Тоҷикистон аз 29 июни соли 2017, №324 тасдиқ гардидааст.
Қоидаҳои нархгузории корҳои сохтмонӣ бо мақсади амалисозии моддаи 12 Кодекси шаҳрсозии Ҷумҳурии Тоҷикистон таҳия шудааст. Қоидаҳои мазкур тартиби муайян намудани арзиши харҷномавии сохтмонҳои нав, азнавсозии биноҳо ва иншоот, таъмири асосӣ, васеъкунӣ ва азнавтаҷҳизонии корхонаҳои техникии амалкунанда, биноҳо ва иншоотеро (минбаъд – маҳсулоти сохтмонӣ) муқаррар менамояд, ки сохтмони онҳо бо ҷалби маблағҳои буҷети давлатӣ ва дигар сарчашмаҳои сармоягузории давлатӣ амалӣ гардонида мешавад. Асосҳои меъёрӣ ва ҳуқуқии муайянсозии арзиши сохтмони иншоотро Кодекси шаҳрсозии Ҷумҳурии Тоҷикистон, Кодекси граждании Ҷумҳурии Тоҷикистон, Қоидаҳои мазкур ва дигар ҳуҷҷатҳои меъёрии давлатӣ дар соҳаи меъморӣ ва шаҳрсозӣ ташкил медиҳанд. Қоидаҳои мазкур аз 8 боб ва 62 модда иборат мебошад.
Корхона тибқи Нақша-чорабиниҳо оиди таҳияи зерсанадҳое, ки аз қабули қарори Ҳукумати Ҷумҳурии Тоҷикистон аз 29 июни соли 2017, №324 “Дар бораи қоидаҳои нархгузории корҳои сохтмонӣ” бармеоянд, семинари омӯзишӣ-таълимӣ аз рӯи Барномаи комплексии “ГРАНД-Смета” аз 5 декабр то 7 декабри соли равон бо кормандони масъули корхонаҳои сохтмонии ҷумҳурӣ гузаронид.
Дар семинари омӯзишӣ-таълимӣ роҳбари маркази таълимии “ГРАНД-Смета”-и Федератсияи Россия Тюков Владимир Александрович дар давоми 3 рӯз нозукиҳои кор кардан бо ин барномаро ба иштирокчиён омӯзонид.
Тибқи барномаи омӯзишӣ-таълимии тартибдодашуда як қатор масъалаҳо дар мавзӯи китобхонаи электронии харҷномасоз «ГРАНД-Строй Инфо», программаи комплексии “ГРАНД-Смета”, тартибдиҳии харҷнома, ҷамбасти натиҷа аз рӯи харҷнома, кор бо усули захиравӣ, ҳисоби корҳои иҷрошуда, экспертизаи харҷнома ва тарзи истифодабарии “Маҷмӯаи ҳарсемоҳаи нархҳои миёнаи харҷномавӣ ба захираҳои асосии масолеҳи сохтмонӣ” дар дохили барнома дида баромада шуд.
Дар семинари омӯзишӣ-таълимӣ аз 33 корхонаю муассисаҳо 46 нафар кормандони масъули пажӯҳишгоҳҳои лоиҳакашӣ, корхонаҳои сохтмонӣ ва кормандони Корхонаи воҳиди давлатии «Маркази нархгузорӣ дар соҳаи сохтмон» иштирок карда, нозукиҳои Барномаи комплексии “ГРАНД-Смета”–ро аз худ намуда, соҳиби сертификат гардиданд.
Дар соли ҷорӣ инчунин таҷрибаи системаи нархгузории соҳаи сохтмони давлатҳои Белоруссия, Қазоқистон, Россия мавриди омӯзиш қарор дода шуд. Ташкили вохурии дуҷониба 2-6 апрели соли равон дар шаҳри Душанбе бо мутахассисони Белорусия натиҷаҳои дилхоҳ дод. Дар ин раванд 2 адад Шартномаи ҳамкорӣ байни ду давлат ба имзо расонида шуд, ки мувофиқи он то охири соли ҷорӣ бо Белорусия корҳои иттилоотию машваратиро нисбати ҷоннок кардани системаи нархгузории Ҷумҳурии Тоҷикистон ба анҷом мерасонад.
Айни ҳол дар асоси нақша-чорабиниҳои таҳиягардида ҳамкориҳо идома дошта, тағйироту иловаҳои зарурӣ дар системаи нархгузории соҳаи сохтмон тадриҷан ворид карда шуда истодаанд.
Ҷиҳати дастгирӣ аз сиёсати иҷтимоии Ҳукумати Ҷумҳурии Тоҷикистон ва иҷрои фармоиши Раиси Кумитаи меъморӣ ва сохтмони назди Ҳукумати Ҷумҳурии Тоҷикистон дар арафаи ҷашнгирии иди Наврӯзи ҷаҳонӣ, Иди моҳи шарифи Рамазон, 20 солагии Ваҳдати миллӣ ва Соли Нави мелодӣ ба мактаб-интернати ёрирасони шаҳри Хуҷанд ва ба кормандони Корхона кумакӣ моддӣ расонида шуд.
Бо мақсади густариши минбаъдаи фаъолияти таблиғотию тарғиботӣ ва баланд бардоштани ҳисси ватандории кормандон Корхона ҳамасола ба рӯзномаҳои «Садои мардум», «Мароми пойтахт», «Минбари халқ», «Ваҳдат», «Адабиёт ва санъат», «Халқ овозӣ», «Народная газета», «Бонувони Тоҷикистон», «Ҷумҳурият», “Вечерный Душанбе”, “Маҷаллаи илмӣ-оммавӣ фарҳангии «Меъморӣ», «Рӯзномаи бинокорон», рузномаи “Боҷу хироҷ” ва рӯзномаи “Оморӣ” обуна шудааст.
Фаъолияти Комиссияи байниидоравии нархгузорӣ дар соҳаи сохтмони Кумитаи меъморӣ ва сохтмони назди Ҳукумати Ҷумҳурии Тоҷикистон пурсамар буда, ҷаласаҳои коммисия тибқи нақшаи корӣ гузаронида шуданд.
Комиссияи байниидоравӣ оид ба нархгузорӣ дар соҳаи сохтмон мақоми доимоамалкунанда буда, баррасии пешакии масъалаҳо ва таҳияи пешниҳодҳо ва тавсияҳо оид ба муайянсозии самтҳои афзалиятнок дар соҳаи нархгузорӣ, саноати масолеҳи сохтмон ва индустрияи сохтмон, мукаммалгардонии заминаи меъёрию ҳуқуқӣ, батанзимдарории масъалаҳои нархгузорӣ дар сохтмон, мувофиқасозии индексҳои тағйирёбии арзиши корҳои сохтмону васлкунӣ ва ғайраро амалӣ мегардонад.
Соли ҷорӣ чор маротиба (07.06.2017, 29.06.2017, 5.10.2017 ва 28. 12. 2017) ҷаласаи Комиссияи байниидоравӣ гузаронида шуд.
Бо мақсади мукаммал гардонидани базаи моддиву техникии Корхона, бо ҳаҷми лозимаи корӣ таъмин намудани мутахассисон, рушди самтҳои афзалиятноки илму техника Корхона нақша дорад, ки як қатор корҳои мушаххасро ба анҷом расонад. Аз ҷумла:
- густариши ҳамкориҳои судманд бо Вазорату идораҳои ҷумҳуриявӣ, истеҳсолкунандагони масолеҳҳои сохтмонии ватанӣ ва дигар субъектҳои соҳаи сохтмон ҷиҳати амалигардонии муқаррароти қарори Ҳукумати Ҷумҳурии Тоҷикистон “Дар бораи қоидаҳои нархгузории корҳои сохтмон”
- дарёфти роҳҳои ҷалб намудани ташкилотҳои истеҳсолкунандаи масолеҳҳои сохтмонии ватанӣ ва воридкунандаи масолеҳҳои сохтмонӣ дар ҷумҳурӣ барои пешниҳод намудани ҳисоботи оморӣ ва ҷорӣ намудани рекламаи мунтазами маҳсулоти истеҳсоли ватанӣ дар «Маҷмӯаи ҳарсемоҳаи нархҳои миёнаи харҷномавӣ ба захираҳои асосии сохтмонӣ»;
- мувофиқи нақшаи дурнамои Корхона расидан ба ҳадафҳо оиди мукаммал гардонидани системаи рамзгузории (кодирования) масолеҳҳои сохтмонӣ. Таҳия ва тасдиқ намудани ҳуҷҷати меъёрии «Рамзгузории умумиҷумҳурияви соҳавии масолеҳҳои сохтмонӣ» (Общереспубликанский отраслевой кодификатор строительных материалов);
- ташаккул додани феҳристи корхонаҳои истеҳсолкунандаи масолеҳҳои сохтмонии ватанӣ ва ширкатҳои ба ҷумҳурӣ воридкунандаи масолеҳҳои сохтмонӣ бо назардошти ба роҳ мондани ҳамкориҳои судманд бо онҳо;
- таҳияи консепсияи рушди технологияҳои информатсионӣ дар самти соддагардонии мониторинги корхонаҳои истеҳсолкунандаи масолеҳҳои сохтмонии ватанӣ, ширкатҳои ба ҷумҳурӣ воридкунанда ва аз ҷониби онҳо ба таври ҳатмӣ пешниҳод гардидани ҳисоботҳои оморӣ оид ба масолеҳҳои истеҳсолшаванда ё воридшаванда.
Кормандони Корхона бо мақсади дар оянда беҳтар намудани фазои сармоягузорӣ, рушди соҳибкорӣ, раванди нархгузорӣ дар соҳаи сохтмон, беҳтар намудани сифати корҳои сохтмонӣ ва баланд бардоштани сатҳи масъулиятнокии шахсони ҳуқуқӣ ва воқеӣ ҳамарӯза чораҳои заруриро андешида истодаанд.



Методические указания по проведению хронометражных наблюдений в строительстве [159,7 Kb] (cкачиваний: 15)

Меъёрҳои унсурии харҷномавӣ ба корҳои сохтмон (МУХ ҶТ-2007) [151,19 Kb] (cкачиваний: 40)

Градостроительные нормы и правила Республики Таджикистан (ГНиП РТ 81-01-2007) Элементные сметные нормы строительные работы (ЭСН PT-2007) [345,54 Kb] (cкачиваний: 43)

Меъёру қоидаҳои шаҳрсозии Ҷумҳурии Тоҷикистон (МҚШ ҶТ 81-01-2007 ) МЕЪЁРҲОИ УНСУРИИ ХАРҶНОМАВӢ БА КОРҲОИ СОХТМОН (МУХ ҶТ-2007) [206,58 Kb] (cкачиваний: 61)

Маҷмӯаҳои №№ 1-21 меъёрҳои харҷномавӣ ба корҳои таъмирӣ – сохтмонӣ (МТСз-ҶТ);

Маҷмӯаҳои №№ 1-47 меъёрҳои унсурии харҷномавӣ ба корҳои сохтмон (МУХ ҶТ – 2007);







Назарсанҷи

Ба фаъолияти Хадамоти назорати сохтмон чӣ гуна баҳо мегузоред?

 

Суроға:

734025, ш. Душанбе, кўчаи проф. Ш. Ҳусейнзода 36,

Тел: +992 (37) 221-88-53
+992 (37) 221-88-33

Факс: +992 (37) 223-02-00,

Е-mail: info@tajsohtmon.tj

Обу ҳаво