15 ноябр 2018, панҷшанбе

Тоҷикӣ   Русский   English

Раёсати сохтмон ва раванди ҳамгироии дастгоҳи марказии Кумитаи меъморӣ ва сохтмони назди ҲукуматиҶумҳурии Тоҷикистон

1915
Раёсати сохтмон ва раванди ҳамгироии дастгоҳи марказии Кумитаи меъморӣ ва сохтмони назди ҲукуматиҶумҳурии Тоҷикистон


Исмоилзода Умед Абдулҳошим
Сардори Раёсати сохтмон ва раванди ҳамгироӣ


Раёсати сохтмон ва раванди ҳамгироии дастгоҳи марказии Кумитаи меъморӣ ва сохтмони назди Ҳукумати Ҷумҳурии Тоҷикистон (минбаъд Раёсат) воҳиди сохтории мақоми давлатӣ буда, дар фаъолияти худ Конститутсияи Ҷумҳурии Тоҷикистон, санадҳои меъёрии ҳуқуқии байналмилалие, ки Тоҷикистон онҳоро эътироф намудааст, қонунҳои конститутсионӣ, кодексҳо, қонунҳои Ҷумҳурии Тоҷикистон, қарорҳои якҷояи Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон, қарорҳои Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон, фармону амрҳои Президенти Ҷумҳурии Тоҷикистон, қарору фармоишҳои Ҳукумати Ҷумҳурии Тоҷикистон, қарорҳои ҳайати мушовара, ба асос ва роҳбарӣ мегирад.
Раёсат таҳти роҳбарии Раиси Кумитаи меъморӣ ва сохтмони назди Ҳукумати Ҷумҳурии Тоҷикистон ва муовини Раиси Кумита фаъолият мекунад.
Ба ҳайати Раёсат мансабҳои давлатии хизмати давлатӣ шомиланд, ки номгӯи онҳо дар басти вазифаҳо, ки аз ҷониби Раиси Кумита тасдиқ гардидаанд, пешбинӣ шудаанд.
Раёсат дар фаъолияти худ бо корхонаҳо ва ташкилотҳои системаи Кумита, дигар мақомоти давлатӣ, ташкилоту корхонаҳо вобаста ба масъалаҳои ба салоҳияти он дахлдошта ҳамкорӣ менамояд.
Раёсат аз шуъбаи барномаҳои мақсадноки давлатӣ ва амалӣ гардонидани он иборат мебошад.
Раёсат аз сардор, сардори шӯъба (1 нафар), сармутахассис (2 нафар), мутахассисони пешбар (2 нафар), мутахассис (1 нафар) иборат мебошад;
Раёсат вазифаҳои зерин дорад:
- таъмини иҷрои дастуру супоришҳо, фармону амрҳои Президенти Ҷумҳурии Тоҷикистон ва қарорҳои Ҳукумати Ҷумҳурии Тоҷикистон;
- таъмини риояи санадҳои меъёрии ҳуқуқии Ҷумҳурии Тоҷикистон, ки муносибатҳои ҳуқуқии ба фаъолияти шаҳрсозӣ вобастабударо танзим менамоянд;
- таъминоти иттилоотию таҳлилӣ вобаста ба фаъолияти Кумита;
- таъмини фаъолияти ташкилию ҳуқуқӣ ва моддию техникии Кумита;
- таъмини иҷрои нақшаву барнома ва консепсияҳои дахлдор;
- пешбурди сиёсати давлат дар амалӣ гардидани фаъолияти сохтмонӣ;
- таҳия ва мувофиқасозии лоиҳаҳои санадҳои меъёрии ҳуқуқии дахлдор,
- баррасӣ намудани мактубу дархостҳои шахсони ҳуқуқӣ ва арзу шикоятҳои хаттию шифоҳии шаҳрвандон;
- таъмини иҷрои саривақтии супоришҳои роҳбарияти Кумита;
- иштирок намудан дар таҳияи барномаҳои мақсадноки давлатӣ;
- иштирок намудан дар кори комиссияҳо, гурӯҳҳои корӣ, ҷаласаҳо, машваратҳо, семинарҳо ва дигар чорабиниҳои ҷумҳуриявӣ.
Раёсати сохтмон ва раванди ҳамгироии дастгоҳи марказии Кумитаи меъморӣ ва сохтмони назди ҲукуматиҶумҳурии Тоҷикистон

Раёсати сохтмон ва раванди ҳамгироӣ ҳуқуқ дорад:
- аз роҳбарони воҳидҳои сохторӣ ва хизматчиёни мақоми давлатӣ, сохторҳои ситемаи он оид ба масъалаҳои вобаста ба салоҳияти соҳа мутобиқи тартиби муқрраргардида маълумот дархост намояд;
- бо тартиби муқарраргардида кормандонро дар мувофиқа бо роҳбари мақоми давлатӣ барои иҷрои вазифаҳое, ки ба зиммаи воҳидҳои сохтории дастгоҳ вогузошта шудааст, аз ҷумла гузаронидани мониторинг, санҷиш, ҷамъбасти ҳисобот, ҷалб намояд;
- дар ҳамбастагӣ бо дигар сохторҳои Кумита бе мамоният амалӣ намудани назорат дар сохтмонҳои иншооти муҳими ҷумҳуриявӣ, ки аз ҳисоби маблағҳои давлатӣ ба амал бароварда мешавад;
- бо тартиби муқарраргардида машварату семинарҳо ташкил намояд, дар машваратҳое, ки роҳбарият ва дигар мақомоти давлатӣ мегузаронанд, инчунин дар гузаронидани тендеру озмунҳои сохтмонӣ, конференсияҳо, семинару намоишгоҳҳо иштирок намояд;
- таъмини назорат оид ба нигоҳдорӣ ва самаранок истифода бурдани амволи давлатӣ;
- дар бораи ба ҷавобгарии интизомӣ кашидани кормандони Раёсат ба Раиси Кумита таклиф пешниҳод намояд.
Раёсат дорои дигар ҳуқуқҳои пешбининамудаи санадҳои меъёрии ҳуқуқии Ҷумҳурии Тоҷикистон мебошад.
Кумитаи меъморӣ ва сохтмон тибқи қарори Ҳукумати Ҷумҳурии Тоҷикистон аз 30 декабри соли 2009, №720 ҳамчун фармоишгари расмии сохтмони иншооти “Масҷиди калон дар шаҳри Душанбе” таъин гардида, аз ҷониби мутахассисони Раёсат рафти иҷрои корҳои лоиҳакашӣ ва сохтмонии иншооти мазкур таҳти назорати доимӣ қарор дода шудааст. Раёсат ҷиҳати бо сифати баланд ба итмом расонидани корҳои ороишию меъморӣ ва пардозгарӣ ҳафтае як маротиба дар иншоот ситоди доимамалкунанда таҳти роҳбарии Раиси Кумита муҳтарам Аҳмадзода Ҷамшед Ҷалол гузаронида, ҷиҳати тезонидани ҷараёни иҷрои корҳои сохтмонии банақшагирифташуда ва ҳалли масъалаҳо дар ҳамкорӣ бо пудратчии кулл ҶСК “СТС Иншоот” чораҷӯӣ намуда истодааст.
Бояд қайд намуд, ки барои оғози корҳои гунбаз масолеҳҳои сохтмонӣ аз қабили конструксияҳои металлӣ, сементи сафед барои омода намудани фибробетон, қуми квартсӣ (кварцевый песок), кошин ба иншоот ворид карда шудааст. Айни ҳол, корҳои кафшергарии ҷузъиёти металии гунбазҳо оғоз гардида, корҳои кафшергарии конструксияҳои металлӣ дар се адад гунбаз ба итмом расонида шуда, дар дигар гунбазҳо кор бо маром идома дода шуда истодааст. Инчунин, корҳои таҷриди (изоляция) конструксияҳои ин гунбазҳо идома дорад.
Ҳоло дар қисматҳои дахлдори иншоот корҳои насби “аквапанел”, чидани сангҳои пойдеворӣ (цокольная часть), насби конструксияҳои филизии равоқҳо, рӯйкашкунии санги мармар, корҳои васлу насби фибробетон дар қисмати шифти роҳравҳо, васлу насби фибробетони машрабӣ ва равоқҳои фибробетони кошиндор, ороиши ду адад манораи хурд ва насби нақшу нигор бо масолеҳи фибробетон, корҳои заминӣ, ободонии гирду атроф ва насби ҷӯйборҳо дар қисмати ҷанубӣ идома дорад.
Раёсати сохтмон ва раванди ҳамгироӣ барои дар сатҳи зарурӣ гузаронидани мавсими тирамоҳу зимистони солҳои 2018-2019, Нақшаи чорабиниҳоро оид ба сари вақт омода намудани Кумитаи меъморӣ ва сохтмони назди Ҳукумати Ҷумҳурии Тоҷикистон дар давраи тирамоҳу зимистони солҳои 2018-2019 таҳия намуда ва бо фармоиши Раиси Кумита аз 19 апрели соли 2018, №38/Ф тасдиқ карда шуд. Инчунин, дар асоси Нақшаи чорабиниҳои Кумита дар дастгоҳи марказӣ ва ташкилотҳои системаи Кумита ситодҳои доимамалкунанда низ таъсис дода шудааст.
Иҷрои бандҳои дахлдори Нақшаи чорабиниҳо оиди бо муваффақият гузаронидани мавсими тирамоҳу зимистони солҳои 2018-2019, таҳти назорати доимии роҳбарияти Кумита қарор дорад.
Кодекси одобу қоидаҳои фаъолияти касбӣ, ки аз арзишҳои умумии эътирофгаштаи ахлоқи инсонӣ ва талаботи маънавии ҷамъият ба хизмати давлатӣ маншаъ гирифтааст, дар Раёсат риоя гардида, кормандон зимни фаъолияти касбии худ ба принсипҳои одоби хизмати давлатӣ такя намуда, онро ба сифати меъёри асосии касбиашон қарор додаанд.







Назарсанҷи

Ба фаъолияти Раёсати экспертизаи давлатии ғайриидоравии ҳуҷҷатҳои лоиҳавии шаҳрсозӣ ва Корхонаи воҳиди давлатии «Ташхисгар» чӣ гуна баҳогузорӣ мекунед?

 

Суроға:

734025, ш. Душанбе, кўчаи проф. Ш. Ҳусейнзода 36,

Тел: +992 (37) 221-88-53
+992 (37) 221-88-33

Факс: +992 (37) 223-02-00,

Е-mail: info@tajsohtmon.tj

Обу ҳаво