22 октябр 2018, душанбе

Тоҷикӣ   Русский   English

Раёсати экспертизаи давлатии ғайриидоравии ҳуҷҷатҳои лоиҳавии шаҳрсозӣ

2501
Раёсати экспертизаи давлатии ғайриидоравии ҳуҷҷатҳои лоиҳавии шаҳрсозӣ

САЪДУЛЛОЗОДА СӮҲРОБ ФАЙЗАЛӢ
Сардори Раёсати экспертизаи давлатии ғайриидоравии ҳуҷҷатҳои лоиҳавии шаҳрсозӣ


Суроға: шаҳри Душанбе, кӯчаи Ш. Ҳусейнзода 36а- индекс 734025.
Тел. 221-41-76 тел/факс 221-31-84
E-mail: expertiza.tj@hotmail.com

Саъдуллозода Сӯхроб Файзалӣ 27-уми марти соли 1983 дар ноҳияи Балҷувони Ҷумҳурии Тоҷикистон таваллуд шудааст. Маълумоташ олӣ буда, соли 2005 Донишгоҳи техникии Тоҷикистонро бо ихтисоси таъмини газу гармӣ ва ҳавотозакунӣ хатм кардааст.
Собиқаи умумии кориаш 10 сол аст.
Фаъолияти меҳнатиашро соли 2006 оғоз намудааст.
Солҳои 2006-2009 ҳамчун саркор дар ҶДММ «Хонасоз» кор кардааст. Аз моҳи июл то сентябри соли 2010 корманди техникии шуъбаи таҳлил ва назорати Дирексияи сохтмони иншооти ҳукуматии Дастгоҳи иҷроияи Президенти Ҷумҳурии Тоҷикистон фаъолият намудааст. Солҳои 2010-2014 ба ҳайси муҳандиси дараҷаи 2-юми шуъбаи таҳлил ва назорати Дирексияи сохтмони иншооти ҳукуматии Дастгоҳи иҷроияи Президенти Ҷумҳурии Тоҷикистон адои вазифа намудааст. Солҳои 2014-2015 вазифаи муҳандиси дараҷаи 1-уми шуъбаи таҳлил ва назорати Дирексияи сохтмони иншооти ҳукуматии Дастгоҳи иҷроияи Президенти Ҷумҳурии Тоҷикистонро бар ӯҳда дошт. Солҳои 2015-2016 муовини сардори шӯъбаи истеҳсолии Дирексияи сохтмони иншооти ҳукуматии Дастгоҳи иҷроияи Президенти Ҷумҳурии Тоҷикистон шуда кор кардааст. Аз моҳи январ то моҳи майи соли 2016 дар мансаби Сардори шӯъбаи истеҳсолии Дирексияи сохтмони иншооти ҳукуматии Дастгоҳи иҷроияи Президенти Ҷумҳурии Тоҷикистон кор кардааст.
Аз 31-уми майи соли 2016 бо Қарори Раиси Ҳукумати Ҷумҳурии Тоҷикистон, таҳти №224 сардори Раёсати экспертизаи давлатии ғайриидоравии лоиҳаи сохтмони Кумитаи меъморӣ ва сохтмони назди Ҳукумати Ҷумҳурии Тоҷикистон таъин карда шуд.

- - - - - - - -

Низомномаи фаъолияти Раёсати экспертизаи давлатии ғайриидоравии ҳуҷҷатҳои лоиҳавии шаҳрсозӣ бо Қарори Ҳукумати Ҷумҳурии Тоҷикистон аз 04 сентябри соли 2014, №585 тасдиқ шудааст. Раёсати экспертизаи давлатии ғайриидоравии ҳуҷҷатҳои лоиҳавии шаҳрсозӣ (минбаъд - Раёсати экспертизаи давлатӣ) мақоми иҷроияи ҳокимияти давлатии Ҷумҳурии Тоҷикистон мебошад, ки дар қаламрави Ҷумҳурии Тоҷикистон экспертизаи давлатии баҳисобгирӣ ва ё асосноккунии техникию иқтисодии лоиҳаҳоро барои сохтмон, таҷдид ва азнавтаҷҳизонии техникии корхонаҳо, биною иншоот (минбаъд ҳуҷҷатҳои лоиҳавии шаҳрсозӣ), сарфи назар аз манбаи маблағгузорӣ ва шакли моликияти иншоот амалӣ месозад. Раёсати экспертизаи давлатӣ дар Нақшаи идоракунии Кумитаи меъморӣ ва сохтмони назди Ҳукумати Ҷумҳурии Тоҷикистон қарор дорад.
Раёсати экспертизаи давлатӣ дар фаъолияти худ Конститутсияи Ҷумҳурии Тоҷикистон, қонунҳои конститутсионӣ, кодексҳо, қонунҳои Ҷумҳурии Тоҷикистон, қарорҳои Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон, фармон ва амрҳои Президенти Ҷумҳурии Тоҷикистон, қарор ва фармоишҳои Ҳукумати Ҷумҳурии Тоҷикистон, санадҳои ҳуқуқии байналмилалии эътирофнамудаи Ҷумҳурии Тоҷикистон ва Низомномаи мазкурро мавриди амал қарор медиҳад.
Раёсати экспертизаи давлатӣ фаъолияти худро мустақиман ва дар ҳамкорӣ бо мақомоти иҷроияи марказии ҳокимияти давлатӣ, мақомоти иҷроияи маҳаллии ҳокимияти давлатӣ, ташкилотҳои ҷамъиятӣ, шахсони воқеъ ва ҳуқуқӣ амалӣ менамояд.
1. Раёсати экспертизаи давлатӣ ваколатҳои зерин дорад:
- гузаронидани экспертизаи давлатии ҳуҷҷатҳои лоиҳавии шаҳрсозӣ, сарфи назар аз арзиши умумии онҳо, манбаи маблағгузорӣ, шакли моликият ва марбутияти идоравӣ дар сатҳи баланди илмию техникӣ ва бо дарназардошти истифодаи дастовардҳои пешрафтаи илму техника дар сохтмон ва лоиҳасозӣ, истифодаи оқилона ва самарабахши захираҳои моддӣ, сӯзишворию энергетикӣ ва захираҳои меҳнатӣ;
-дар якҷоягӣ бо вазорату идораҳои ҷумҳурӣ, мақомоти иҷроияи ҳокимияти давлатӣ ва дигар ташкилотҳои дахлдор мавриди баррасӣ қарор додани асосноккунии техникию иқтисодӣ, баҳисобгирии техникию иқтисодӣ дар сохтмони иншооте, ки дорои аҳамияти муҳими давлатӣ мебошанд ва эъмори онҳо бо ҷалби сармоягузорони хориҷӣ пешбинӣ шудааст;
- баланд бардоштани сатҳи усулҳои ҳалли меъморию тарҳрезӣ ва шаҳрсозӣ;
- амалисозии арзёбии мутобиқати риояи талаботи санадҳои меъёрии ҳуқуқии соҳаи шаҳрсозӣ дар ҳуҷҷатҳои лоиҳавии шаҳрсозӣ;
- амалисозии арзёбии эътимоднокӣ ва истифодаи бехатари ҳуҷҷатҳои лоиҳавии шаҳрсозӣ, оқилона ҷойгир намудани бино ва иншоот бо дарназардошти хизматрасонии санитарию маишӣ, таъмини шароити мусоиду бехатари меҳнат;
- амалисозии арзёбии мутобиқати истифодабарии технология, таҷҳизот, масолеҳ ва таркиботи воридотии бо тартиби муқарраршуда сертификатсиякардашуда ва дорои шаҳодатномаи техникӣ дар ҳуҷҷатҳои лоиҳавии шаҳрсозӣ;
- таҳия ва татбиқи нақшаҳо доир ба мутобиқати сифати ҳуҷҷатҳои лоиҳавии шаҳрсозӣ;
- пешгирии таҳияи ҳуҷҷатҳои лоиҳавии шаҳрсозӣ, ки эҷод ва истифодабарии онҳо ба талаботи меъёру қоидаҳои давлатии сохтмонӣ ҷавобгӯ нест ва ё ба ҳуқуқу манфиати қонунан ҳифзшавандаи шаҳрвандон, шахсони ҳуқуқӣ ва давлат зарар меорад;
- таҳия ва ба фармоишгарон (сармоягузорон) ирсол намудани хулосаҳо оид ба ҳуҷҷатҳои лоиҳавии шаҳрсозӣ, ки барои иҷро аз ҷониби фармоишгарон, ташкилотҳои пудратӣ, дигар шахсони ҳуқуқӣ ва воқеъ ҳуҷҷати ҳатмӣ маҳсуб меёбад.
2. Раёсати экспертизаи давлатӣ дар ваколати худ ҳуқуқ дорад:
- ҷамъбасти натиҷаҳои экспертизаи ҳуҷҷатҳои лоиҳавии шаҳрсозиро амалӣ созад, оид ба такмили корҳои лоиҳасозию харҷномавӣ пешниҳод таҳия намояд, вобаста ба масъалаҳои таҳқиқ ва лоиҳасозӣ ба муассисаҳои лоиҳакашӣ машварат диҳад, хизматрасонии иттилоотиро ба ҷо орад;
- мутахассисони соҳибихтисоси вазорату идораҳо ва дигар ташкилотҳоро ҳамчун коршиносони ғайриштатӣ дар экспертизаи ҳуҷҷатҳои лоиҳавии шаҳрсозӣ ҷалб намуда, музди меҳнати онҳоро мувофиқи тартиби муқарраршуда пардозад;
- аз вазорату идораҳо, мақомоти иҷроияи маҳаллии ҳокимияти давлатӣ, дигар шахсони ҳуқуқӣ ва воқеъ маълумотҳои барои иҷрои вазифаҳои Раёсати экспертизаи давлатӣ зарурро, ба даст орад.

СОХТОРИ
дастгоҳи марказии Раёсати экспертизаи давлатии
ғайриидоравии ҳуҷҷатҳои лоиҳавии шаҳрсозӣ

Роҳбарият
Бахши ташкилӣ ва мутобиқати фаъолият (дар асоси қарори Ҳукумати Ҷумҳурии Тоҷикистон аз 04.04.2016, №155 тағйирот ворид карда шуд)
Бахши кадрҳо ва ҳуқуқ
Бахши таҳлили харҷномаҳо
Бахши муҳосибавӣ
Дар системаи Раёсати экспертизаи давлатии ғайриидоравии ҳуҷҷатҳои лоиҳавии шаҳрсозӣ Корхонаи воҳиди давлатии "Ташхисгар" таъсис дода шудааст.
Раёсати экспертизаи давлатӣ дар асоси қарори Ҳукумати Ҷумҳурии Тоҷикистон аз 13 марти соли 2014, №187 “Тартиби ташкил ва гузаронидани экспертизаи давлатии ҳуҷҷатҳои шаҳрсозӣ”, раванди гузаронидани экспертизаи давлатии ҳуҷҷатҳои шаҳрсозиро роҳандозӣ менамояд.
1. Дар Тартиби мазкур мафҳумҳои асосии зерин истифода карда шудаанд:
- аризадиҳанда-фармоишгар, ки бо ариза ё мактуб барои гузаронидани экспертизаи давлатии ҳуҷҷатҳои шаҳрсозӣ муроҷиат кардааст;
- мақоми экспертизаи давлатии ҳуҷҷатҳои шаҳрсозӣ-мақоми ваколатдори давлатӣ, ки тибқи санадҳои меъёрии ҳуқуқӣ ҳуқуқи гузаронидани экспертизаи давлатии ҳуҷҷатҳои шаҳрсозиро дорад;
- ҳуҷҷатҳои лоиҳавии якқолиба (намунавӣ) - ҳуҷҷатҳои лоиҳавии бино, иншоот ё маҷмӯи онҳо, ки хулосаи мусбии экспертизаи давлатии ҳуҷҷатҳои шаҳрсозиро гирифтаанд ва барои истифодаи бисёркарата бо роҳи мутобиқкунӣ ба шароити воқеии сохтмон таъин гардидаанд;
- хулосаи экспертизаи давлатӣ-натиҷаи баррасии ҳуҷҷатҳои шаҳрсозӣ аз ҷониби мақоми экспертизаи давлатии ҳуҷҷатҳои шаҳрсозӣ, ки дар шакли "мувофиқ будан" (хулосаи мусбӣ) ва ё "мувофиқ набудан" (хулосаи манфӣ) дода мешавад, ки ҳуҷҷати иҷозатдиҳӣ намебошад.
2. Мақоми экспертизаи давлатии ҳуҷҷатҳои шаҳрсозӣ (минбаъд мақоми экспертизаи давлатӣ) вазифаҳои зеринро иҷро мекунад:
- экспертизаи давлатии лоиҳаҳои шаҳрсозӣ, новобаста аз арзиши умумии онҳо, манбаъҳои маблағгузорӣ, шаклҳои моликият, тобеияти идоравӣ, ки дар сатҳи баланди илмию техникӣ, бо дарназардошти дастовардҳои пешқадам, сарфакорона ва самаранок истифода бурдани захираҳои моддӣ, сӯзишворию энергетикӣ ва захираҳои дигар иҷро карда шудааст;
- риоя кардани сиёсати сармоягузории давлат дар таҳияи лоиҳаҳои сохтмон;
- якҷоя бо вазорату идора ва ташкилотҳои дахлдор баррасӣ кардани ҳисобҳои техникию иқтисодӣ ва асосноккунии техникию иқтисодӣ барои сохтмони иншооти дорои аҳамияти давлатҳӣ, ки сохтмони онҳо ҷалби сармоягузории хориҷиро пешбинӣ менамояд;
- таҳия ва дар амал татбиқ намудани нақшаи назорати сифати лоиҳаҳои сохтмонӣ;
- роҳ надодан ба таҳияи лоиҳаҳои сохтмонӣ, ки ба талаботи меъёру қоидаҳои шаҳрсозӣ ҷавобгӯ нестанд ва ё ба ҳуқуқу манфиатҳои шаҳрвандон, шахсони ҳуқуқӣ ва давлат, ки аз тарафи қонун ҳимоя карда шудаанд, зарар мерасонад.
3. Мақоми экспертизаи давлатӣ уҳдадор аст:
- бо дархости аризадиҳанда тартиби гузаронидани экспертизаи давлатиро ройгон фаҳмонда диҳад;
- нигоҳдории ҳуҷҷатҳои ба экспертизаи давлатӣ пешниҳодгардидаро таъмин намояд;
- барои ифшо насохтани ҳалҳои лоиҳавӣ ва маълумоти дигари махфӣ, ки ҳангоми гузаронидани экспертизаи давлатӣ маълум гардиданд, чораҳо андешад.
4. Мақоми экспертизаи давлатӣ ва воҳидҳои сохтории он ҳуқуқи иштирок намуданро дар таҳияи лоиҳаҳои меъморию сохтмонӣ ва ҷустуҷӯию муҳандисӣ надоранд.
5. Экспертизаи давлатии ҳуҷҷатҳои шаҳрсозӣ (минбаъд - экспертизаи давлатӣ) дар ҳолатҳои зерин гузаронида мешавад:
- асоснок кардани сармояҳо, асосноккунии техникию иқтисодӣ ва ҳисобҳои ҳуҷҷатҳои лоиҳавӣ, ки барои сохтмони иншоот пешбинӣ гардидаанд;
- барои иншооте, ки аз ҳисоби маблағҳои давлатӣ ё бо иштироки онҳо, инчунин бе маблаҷгузории давлатӣ сохта мешаванд, аммо тибқи тартиби муқаррарнамудаи қонунгузории Ҷумҳурии Тоҷикистон ҳиссаи моликияти давлатӣ дар ҳаҷми маҳсулоти истеҳсолгардида ё хизматҳои расонидашуда ба назар гирифта шудааст;
- мувофиқат намудан ба талаботи меъёрҳои давлатии санитарӣ, экологӣ, бехатарии сӯхторнишонӣ ва таркиш, ҳифзи меҳнат, устуворӣ ва эътимоднокии конструксияҳо, дастрасии маъюбон ба иншооти иҷтимоӣ, нақлиётӣ ва инфрасохтори фароғатӣ, новобаста аз манбаъҳои маблағгузории сохтмон;
- дар ҳолати аз ҷониби иморатсоз ё фармоишгар қабул карда шудани қарори гузаронидани экспертизаи давлатӣ;
- барои иншооте, ки сохтмони онҳо аз ҳисоби маблағҳои хусусии фармоишгар (ҳамчунин бо ҷалби сармоягузории хориҷӣ) бунёд мегардад, ба ғайр аз иншооти дараҷаи хатарнокиашон баланд ва аз ҷиҳати техникӣ мураккаб, агар қарори гузаронидани экспертизаи давлатиро худи фармоишгар қабул карда бошад.
6. Экспертизаи давлатии ҳуҷҷатҳои шаҳрсозӣ дар ҳолатҳои зерин гузаронида намешавад:
- агар тибқи тартиби муқаррарнамудаи Кодекси шаҳрсозии Ҷумҳурии Тоҷикистон барои сохтмон, таҷдид ва таъмири асосии иншоот омода кардани ҳуҷҷатҳои лоиҳавӣ ва гирифтани иҷозат барои сохтмон пешбинӣ нашуда бошад;
- нисбати ҳуҷҷатҳои лоиҳавии иншооти сохтмони асосие, ки пештар хулосаи мусбии экспертизаи давлатии ҳуҷҷатҳои лоиҳавиро гирифтаанд ва такроран истифода бурда мешаванд (ҳуҷҷатҳои лоиҳавии намунавӣ) ё шакли дигари чунин ҳуҷҷатҳои лоиҳавӣ, ки ба қисми конструктивӣ ва дигар хусусиятҳои эътимоднокӣ ва бехатарии иншооти сохтмони асосӣ таъсир намерасонанд;
- агар сохтмони иншооти асосӣ бо истифодаи ҳуҷҷатҳои лоиҳавии якҷолиба ё дигаргун кардани ҳуҷҷатҳои лоиҳавӣ сурат гирад, он гоҳ натиҷаи корҳои ҷустуҷӯи муҳандисӣ бояд мавриди экспертизаи давлатӣ қарор гиранд;
- биноҳои истиқоматии шахсии баландиашон на зиёда аз 3 ошёна бо таҳхона ва болохона ё бе онҳо тибқи талаботи нақшаи генералии шаҳру ноҳияҳо, инчунин иншооти ёрирасон дар қитъаи замини ба шахсони вокеъ ҷудокардашуда;
- таҷдиди биноҳои аз ҷиҳати техникӣ номураккаб, ки барои эҳтиёҷоти шаҳрвандон таъин гардиданд ва бо қарори мақомоти иҷроияи маҳаллии ҳокимияти давлатӣ тасдиқ карда мешаванд;
- бино ва иншооти якошёнаи ҷамъиятӣ бо масоҳати зери сохтмон на зиёда аз 300 метри мураббаъ ва бо баландии на зиёда аз 6 метр, ки дар онҳо дар як вақт ҳузур доштани на зиёда аз 150 одам пешбинӣ гардидааст, ғайр аз бино ва иншооте, ки аз ҳисоби маблағҳои давлатӣ сохта мешаванд;
- таъмир ва барқарорсозии бино ва иншоот бе тағйир додани таъиноти онҳо аз ҳисоби маблағҳои давлатӣ, агар арзиши харҷномавии онҳо аз 800 ҳазор сомонӣ зиёд набошад.
Феҳристи иншооти сохтмонӣ, ки ҳуҷҷатҳои лоиҳавии онҳо гузаронидани экспертизаи давлатиро талаб намекунанд, аз тарафи мақоми ваколатдори давлатӣ дар соҳаи меъморӣ ва шаҳрсозӣ дар мувофиқа бо ташкилотҳои соҳавӣ тасдиқ карда мешавад.

2. Пешниҳоди ҳуҷҷатҳо барои гузаронидани экспертизаи давлатӣ
7. Барои гузаронидани экспертизаи давлатӣ ҳуҷҷатҳои зерин пешниҳод карда мешаванд:
- мактуб ё ариза дар бораи гузаронидани экспертизаи давлатӣ;
- ҳуҷҷатҳои лоиҳавӣ барои иншооти сохтмони асосӣ, ки тибқи талаботи меъёру қоидаҳои сохтмонӣ ва стандартҳои давлатҳои иҷро карда шудаанд;
- қарори мақомоти иҷроияи маҳаллии ҳокимияти давлатӣ барои лоиҳакашӣ ва сохтмон;
- ҳуҷҷати тасдиқкунандаи ҳуқуқи истифодаи қитъаи замин (сертификати ҳуқуқи истифодаи замин);
- шартҳои техникӣ барои пайвастшавӣ ба шабакаҳои муҳандисӣ;
- супориш барои лоиҳакашӣ, ки аз тарафи фармоишгар тасдиқ ва бо лоиҳакаш мувофиқа карда шудааст;
- супориши меъморию тарҳрезӣ барои лоиҳакашӣ;
- натиҷаҳои корҳои таҳқиқоти муҳандисӣ.
Талаб кардани ҳуҷҷатҳое, ки дар банди мазкур пешбинӣ нашудаанд, манъ аст.
8. Мақоми экспертизаи давлатӣ ҳуқуқи аз аризадиҳанда ба таври иловагӣ талаб кардани ҳисоби ҳалҳои конструктивӣ ва технологӣ, инчунин маводи тақиқоти муҳандисӣ, ки дар таркиби ҳуҷҷатҳои лоиҳавӣ ҳастанд, дорад. ҳисоб ва ҳуҷҷатҳои зикргардида бояд дар муҳлати 5 рӯз баъд аз гирифтани дархост аз тарафи аризадиҳанда пешниҳод карда шаванд.

3. Санҷиши ҳуҷҷатҳои ба экспертизаи давлатӣ пешниҳодгардида
9. Мақоми экспертизаи давлатӣ дар муддати 3 рӯзи корӣ аз санаи гирифтани ҳуҷҷатҳои дар банди 7 Тартиби мазкур нишондодашуда бояд санҷиши онҳоро анҷом диҳад. Мӯҳлати санҷиши ҳуҷҷатҳо набояд аз 5 рӯзи корӣ зиёд бошад.
10. Дар муҳлати дар банди 10 Тартиби мазкур нишондодашуда ба аризадиҳанда хабарнома оид ба қабули ҳуҷҷатҳои лоиҳавӣ барои гузаронидани экспертиза ё инкори асоснок дар қабули ҳуҷҷатҳои барои гузаронидани экспертиза пешниҳодшуда ирсол карда мешавад, дар ин ҳолат ҳуҷҷатҳои зикргардида бояд бебаррасӣ баргардонда шаванд.
11. Ҳуҷҷатҳои ба экспертизаи давлатӣ пешниҳдшуда дар асоси қисми 14 моддаи 64 Кодекси шаҳрсозии Ҷумҳурии Тоҷикистон ба аризадиҳаднда бо сабабҳои зерин баргардонда мешаванд:
- нопурра будани ҳуҷҷатҳои лоиҳавӣ;
- тайёр кардани ҳуҷҷатҳои лоиҳави аз тарафи шахсони воқеъ ва ҳуқуқи, ки иҷозатномаи фаъолияти корҳои лоиҳакашию ҷустуҷуиро надоранд.
12. Ҳангоми гузаронидани экспертизаи давлатӣ талаботи зерин ба ҳуҷҷатҳои лоиҳавии сохтмонӣ санҷида мешаванд:
- мувофиқат кардани қарорҳои қабулгардида оид ба асосноккунии сармоягузории сохтмони иншоот бо дигар хуччатхои пешазлоиҳавӣ, ба супориши лоиҳакашӣ, инчунин ба шартҳои техникии додашуда ва талаботи аз тарафи ташкилоту мақомоти дахлдори назорати давлатӣ ҳангоми мувофиқакунии ҷойгир кардани иншоот додашуда;
- кифоягӣ ва самаранокии ҳалҳои техникӣ ва чорабиниҳо оид ба ҳифзи муҳити зист;
- риоя кардани меъёру қоидаҳои бехатарӣ аз таркиш ва сӯхтор;
- риоя кардани меъёру қоидаҳои ҳифзи меҳнат ва талаботи санитарӣ;
- мавҷудияти ҳалҳои лоиҳавӣ оид ба таъмин кардани шароит барои гурӯҳҳои аҳолии маҳдудҳаракат ва маъюбон;
- истифодаи самараноки масоҳат ва ҳаҷми биною иншооти лоиҳасозишаванда;
- баҳодиҳи ба ҳалҳои лоиҳавӣ оид ба ташкили сохтмон;
13. Дар шартномаи байни мақоми экспертизаи давлатӣ ва аризадиҳанда шартҳои зерин муайян карда мешаванд:
- мундариҷаи шартнома;
- муҳлат ва тартиби гузаронидани экспертизаи давлатӣ, ки тибқи Кодекси шаҳрсозии Ҷумҳурии Тоҷикистон ва Тартиби мазкур муқаррар карда шудааст;
- андозаи пардохт барои гузаронидани экспертизаи давлатӣ;
- тартиб ва муҳлати ба аризадиҳанда додани хулосаи дахлдор ва баргардондани ҳуҷҷатҳои экспертизаи давлатӣ қабулгардида;
- масъулияти тарафайн барои иҷро накардани ӯхдадорихои дар шартнома пешбинишуда.

4. Гузаронидани экспертизаи давлатӣ
14. Экспертизаи давлатӣ баъди аз тарафи аризадиҳанда пешниҳод гардидани ҳуҷҷатҳои тасдиқкунандаи пардохти маблағ барои гузаронидани экспертизаи давлатӣ тибқи шартнома оғоз гардида, бо додани хулосаи экспертизаи давлатӣ ба аризадиҳанда анҷом меёбад.
15. Муҳлати гузаронидани экспертизаи давлатӣ набояд аз 30 рӯзи тақвимӣ зиёд бошад. Мӯҳлати гузаронидани экспертизаи давлатии иншооти мураккаб ва калонҳаҷм дар шартнома аз тарафи ҷонибҳо алоҳида муқаррар карда мешавад.
16. Мақоми экспертизаи давлатӣ ҳангоми гузаронидани экспертизаи давлатӣ ҳуқуқ дорад:
- маълумот ва ҳуҷҷатҳои барои экспертизаи давлатӣ лозимиро аз мақомоти дахлдори давлатӣ ва дигар ташкилотҳо талаб намояд;
- дар асоси шартнома ташкилотҳои давлатӣ ва ғайридавлатӣ, инчунин мутахассисони берунаро барои гузаронидани экспертизаи давлатӣ ҷалб намояд;
- натиҷаи экспертизаи давлатии лоиҳаҳои сохтмонро ҷамъбаст намуда, ҷиҳати такмил додани ҳуҷҷатҳои лоиҳавию харҷномавӣ оид ба масъалаҳои экспертиза ва лоиҳакашӣ пешниҳодҳо омода намояд;
- дар комиссияи иҷозатномадиҳии давлатӣ иштирок намояд ва ба фаъолияти ташкилотҳои лоиҳакашӣ баҳо диҳад.
17. Мақомоти иҷроияи маҳаллии ҳокимияти давлатӣ, мақомоти худидоракунии шаҳрак ва деҳот ва дигар ташкилотҳо дар муҳлати на зиёдтар аз 10 рӯз аз санаи воридшавии дархости мақоми экспертизаи давлатӣ бояд ҳуҷҷатҳои барои экспертизаи давлатӣ заруриро ба мақоми экспертизаи давлатӣ пешниҳод намоянд ё ба таври хаттӣ сабаби пешниҳод накардани онҳоро маълум намоянд.

5. Натиҷаҳои экспертизаи давлатӣ
18. Натиҷаи экспертизаи давлатӣ хулосаи "мувофиқ будан" (хулосаи мусбӣ) ё "мувофиқ набудан" (хулосаи манфӣ) ҳуҷҷатҳои лоиҳавӣ ба талаботи санадҳои меъёрии ҳуқуқии Ҷумҳурии Тоҷикистон мебошад.
20. Хулосаи экспертизаи давлатӣ аз тарафи шахсони мутасаддӣ, ки ҳуқуқи омода намудани экспертизаи ҳуҷҷатҳои лоиҳавиро доранд ва гузаронидани экспертиза иштирок намуданд, тайёр ва ба имзо расонид шуда, аз тарафи роҳбари мақоми экспертизаи давлатӣ бо муҳр тасдиқ карда мешавад.

21. Хулосаи экспертизаи давлатӣ иборат аст аз:
- тавсифи кӯтоҳи маълумоти додашудаи шароити сохтмон ва ҳалҳои асосии лоиҳавӣ, инчунин нишондиҳандаҳои техникию иқтисодии лоиҳаи сохтмон;
- эрод ва пешниҳодҳои мушаххас оид ба ҳалҳои лоиҳавии қабулгардида, тағйирот ва иловаҳои дар рафти экспертиза воридгардида ва самараи чашмдошт аз амалӣ кардани онҳо;
- тавсияҳо барои тасдиқ (дар ҳолати набудани эродҳои ҷиддӣ, ки ба тағийри ҳалҳои лоиҳавӣ ва нишондиҳандаҳои асосии техникию иқтисодӣ оварда мерасонанд) ё рад намудани лоиҳа.
22. Ҳуҷҷатҳои лоиҳавие, ки аз экспертизаи давлатӣ хулосаи манфӣ гирифтаанд, набояд аз тарафи фармоишгар ё иморатсоз тасдиқ карда шаванд. Баҳсҳо оид ба хулосаҳои "мувофиқ набудан" (хулосаи манфӣ) аз тарафи иморатсоз ё фармоишгар дар суд баррасӣ карда мешаванд.
23. Дар ҳолати гум кардани хулосаи экспертизаи давлатӣ, аризадиҳанда метавонад нусхаи онро аз мақоми экспертизаи давлатӣ гирад. Нусхаи хулосаи экспертизаи давлатӣ дар муҳлати 3 рӯз аз рӯзи муроҷиати хаттӣ бе пардохт ба аризадиҳанда дода мешавад.

6. Гузаронидани экспертизаи давлатии такрорӣ
24. Экспертизаи давлатии такрории ҳуҷҷатҳои лоиҳавӣ дар ҳолати ба лоиҳа ворид кардани тағйирот, инчунин баъд аз бартараф кардани камбудиҳои дар хулосаи манфӣ (мувофиқ набудан) зикргардида гузаронида мешавад.
25. Экспертизаи давлатии такрорӣ бо тартиби муқаррарнамудаи Тартиби мазкур ҳамчун барои лоиҳаи нав пешниҳодгардида гузаронида мешавад.

7. Андозаи пардохт барои гузаронидани экспертизаи давлатӣ
26. Гузаронидани экспертизаи давлатӣ пулакӣ буда, дар асоси шартномаи байни аризадиҳанда ва мақоми экспертизаи давлатии ҳуҷҷатҳои шаҳрсозӣ амалҳӣ карда мешавад.

8. Муқаррароти хотимавӣ
27. Баҳсҳои вобаста ба гузаронидани экспертизаи давлати бо тартиби муқаррарнамудаи санадҳои қонунгузорӣ аз ҷониби мақомоти давлатӣ ё бо тартиби судӣ ҳал карда мешаванд.
28. Аризадиҳанда ва мақоми экспертизаи давлатии ҳуҷҷатҳоии шаҳрсозӣ дар ҳолати риоя накардани талаботи Тартиби мазкур ҳангоми гузаронидани экспертизаи давлатӣ тибқи талаботи қонунгузорӣ ба ҷавобгарӣ кашида мешаванд.

Суроға: шаҳри Душанбе, кӯчаи Ш. Ҳусейнзода-36 а, индекс 734025,







Назарсанҷи

Ба фаъолияти Раёсати экспертизаи давлатии ғайриидоравии ҳуҷҷатҳои лоиҳавии шаҳрсозӣ ва Корхонаи воҳиди давлатии «Ташхисгар» чӣ гуна баҳогузорӣ мекунед?

 

Суроға:

734025, ш. Душанбе, кўчаи проф. Ш. Ҳусейнзода 36,

Тел: +992 (37) 221-88-53
+992 (37) 221-88-33

Факс: +992 (37) 223-02-00,

Е-mail: info@tajsohtmon.tj

Обу ҳаво